Egitaraua
11:00 Gazte gosaria.
11:30 Pauso bat aurrera… gazteon garaia da! (sarrera)
11:45 Amankomuneko zerbait? (eztabaida)
14:30 Gazte askea sabela betea! (bazkaria 2 euro)
16.00 Jolastuz, nagiak kendu! (distentsio jolasak)
16:30 Gazteok antolatzen badakigu… kritiketatik ekintzetara (eztabaida)
19:00 Harremanak sendotuz, poteo musikatu!
Maiatzaren 4an, Itzubaltzeta gaztetxean herriko hainbat gazte bildu ziren "herrian alternatibak sortzeko beharra" ikusten zutelako. "Egun horretan, herrian gazte esparru berri bat sortu behar zela adostu genuen. Herriko gazteok esparrua sortu aurretik, gazteon arteko harremana sendotzea garrantzitsua zela ikusi genuen. Horregatik, udan ekintza ezberdinak egin genituen: kale zinema, perkusio tailerra, slackline, malabareak, eskulanak, eta abar", azaldu dutenez. Behin guzti hori eginda, antolatzeko beharra ikusi eta, horretarako, "gazte esparru berri bat" sortu nahi dute. "Azken honetarako, Itzubaltzeta / Romoko gazte guztien partaidetza ezinbestekoa da" eta, horregatik, larunbat honetan, abenduak 1, gazte topaketak egingo dituzte herriko frontoian. Besteak beste, gosaria, eztabaida, bazkaria, jolasak eta poteo musikatua izango dira. Argazkian, hainbat lagun Itzubaltzeta gaztetxean antolatutako ekimen batean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun