Ostiral honetarako, azaroak 30, "terrorismoaren biktimak" omentzeko erakunde-ekitaldia antolatu du Getxoko Udalak. Hitzordua 12:30ean izango da San Inazio plazan lekututako eskulturaren ondoan. Besteak beste, Anton Damborenea Bizkaiko PPko presidentearen eta Nerea Llanos Bizkaiko PPko idazkari nagusiaren parte-hartzea konfirmatu dute Alderdi Popularreko iturriek. Bestalde, Bilduk ez zuen iazko ekitaldian parte hartu, "biolentzia ezberdinek eragindako giza sufrimendu osoari erreparatuko ez zaiolako". Gainera, beste alderdiei aurpegiratu zienez, "aipatu adierazpena Bildu Getxoko Udalbatzaren parte ez zenean —aurreko agintaldian— onartu zen eta ez du ordezkatzen gaur egungo Osoko Bilkuraren ahotsa". Koalizio soberanista eta independentistak adierazi zuenez, "Bildun argi daukagu ezinbestekoa dela indarkeria mota guztiek eragindako biktima guztiak aintzat hartzea. Horregatik, gure gain hartzen dugu Gernikako eta Aieteko adierazpenetan jasotako kezka eta erantzukizuna". Aurten zer egingo duen ez du oraindik argitu. Argazkian, EAJ, PP eta PSE-EEren udal ordezkari gehienak minutu bateko isilunea egiten iaz San Inazio plazan.
2009ko martxoko udal osoko bilkuran adostutakoaren ostean, 2010eko uztailaren 12an ETAk hildako 17 pertsona omendu zituzten. Otsailaren 5ean, berriz, "1936ko gerran, aurreko gatazka zibiletan eta frankismo garaian Getxo udalerrian izandako biktimei" gorazarre egin zieten Galean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun