Berbaguneaz gain, 12:00etan, Leioako haurrak unibertsitate esparrura hurbilduko dira, dantza eta kanta tradizionalak erakustera, eta txalaparta ere egongo da Garai kafetegiaren ondoan.
Asteartean eta asteazkenean, berriz, Euskararen Eguna ospatzeko hitzaldi bana egongo da. Asteartean, hilak 4, 12:00etan, Garai kafetegian, Kepa Acero surfari algortarraren bideo hitzaldia egongo da; eta asteazkenean, Garain eta 12:00etan ere, Eneko Etxebarrietak eta Miyuki Okabek, tandem bizikletaz munduko bira egiten ari direnek, beraien esperientzia kontatuko dute.
Astelehenean, abenduak 3, Euskararen Nazioarteko Eguna ospatuko dute Leioa eta Erandioko campusean. Berbagunea izeneko ekimena egingo dute areto nagusian, goizeko 10:30etik 12:00etara arte. Bertan, ikasleak hainbat pertsonaia ezagunekin bilduko dira, eta euskararen inguruan izandako bizipenak partekatuko dituzte: pozak, oztopoak, aurrerapausoak, aurpegi txarrak, aldaketak, anekdotak… Esperientziak partekatzeaz batera, erronkak ere aztertu ahal izango dituzte parte-hartzaileek, EHUko iturriek adierazi dutenez. Berbagunean egongo dira, besteak beste, Ainhoa Tirapu Goñi Athleticeko atezaina, Jose Angel Iribar Athleticeko enbaxadorea, Alex Txikon mendizalea, Jose Ramon Etxebarria eta Jon Kortazar EHUko irakasleak, Xabier Euzkitze eta Amaia Artetxe EITBko aurkezleak, Jone Uria bertsolaria, Garbiñe Biurrun epailea, Karlos Ibarguren medikua, eta Jon Arretxe idazlea. Berbagunean izena emateko berbagunea[abildua]gmail.com helbidera idatzi edo 946 018 184 telefono zenbakira deitu beharko da. Argazkia: © EHU.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun