Etxebizitza arloko neurriak
1. Unibertsitate-egoitza eta pisuen kudeaketa propioko sarea sortzea gaur egungo ostatu-eskaintza handitu ahal izateko, eta egoitza hitzartuen prezioak egokitzea eskaintzen diren zerbitzuen arabera.
2. Arlo horretan kontzeptu aldaketaren alde egiten dugu, ikasleek prezio murriztuko ostatuen eskaintza izan dezaten, baina ikasleek gizarte-lana egiteko konpromisoa hartuta.
Garraio arloko neurriak
3. Gaur egun campus arteko garraioarekin dagoen arazoari aurre egitea, erakunde eskudunekin batera.
4. EHUk campus arteko garraioa kudeatzen duten enpresen barne-sarbidea arau dezala.
5. Ikasle izateagatik diskriminaziorik egiten ez duen aparkalekuen araudia eskatzen dugu, garraio publikoko alternatiba errealik ez dutenei lehentasuna emango diena.
6. Autoa konpartitzeko programak bultzatzea.
7. Leioaren eremuko berariazko mugikortasun arazoari aurre egitea, eta ikasleentzako aparkaleku esklusiboa ezartzea multzoa arautu arte.
8. Hiri barneko eta hiri arteko garraioa hobetzea Ibaetako Campuserako sarbidean.
Kalitate arloko neurriak
9. Eskola-asteen kopurua murriztea eta tutoretza-programak indartzea, arreta pertsonalizatuagoa izan dadin.
10. Ikasgeletan masifikaziorik egon ez dadila bermatzea, eta hala gaur egungo araudia betetzea.
11. Ebaluazio-ereduen definizio argia ematea, ikasketa beste jarduera batzuekin bateratu ahal izateko.
12. Denbora partzialeko ikaslearen definizioa ez aldatzeko konpromiso esplizitua.
13. Betebeharrak sistematikoki hausten dituzten irakasleei zehapenak ezartzea.
14. Irakasgaietako bakoitzaren kalitate-txostenak argitaratzea, irakasleen artean lan ona eta lan txarra egiten dutenak ikusteko.
EHUko errektore talde berriari 14 neurri hartzea eskatu dio Ikasle Kontseiluak
EHUko ikasleen ordezkaritza-organoak arlokako bilerak antolatu ditu, hautagaitza bakarra den Iñaki Goirizelaiaren taldeak hauteskundeei begira egin dituen proposamenak sakon ezagutzeko. Ikasle Kontseiluak, topaketa horiek aprobetxatuz, inplikazio handiagoa eskatu du hiru arlotan: hezkuntza-kalitatea, garraioa eta etxebizitza. EHUko Ikasle Kontseiluko burua den Aratz Castrok adierazi duenez, euskal ikasleak bereziki zorrotzak izango dira hiru arlo horietan, lehentasunezkoak direlako benetako unibertsitate publiko irisgarria bermatzeko. Alde horretatik azpimarratu du “ikasteak, matrikularen tasak ordaintzea ez ezik, campuseraino heltzea eta bizi ahal izateko pisu bat ordaintzea ere dakar berekin”. Horretarako, Kontseiluak 14 proposamen zehatz egin ditu. Argazkian, Ikasle Kontseiluaren batzar bat / © A. Encinas - EHUko Ikasle Kontseilua.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun