Landaren hitzetan, "berritasuna giltzarri duen dinamizatze ekonomikoaren aldeko apustua da". “Guretzat oso garrantzitsua da uztartzea profil soziala, alegia, lana topatzeko bereziki zailtasunak dituzten pertsonak laneratzea eta etorkizuna duen jarduera ekonomikoaren aldeko apustua egitea, kasuak kasu, mugikortasun iraunkorraren, eta kasu honetan, bizikletaren alorraren aldekoa”, adierazi zuenez.
CEDEMOSek eskainitako datuen arabera, hamar urteetan ehun @park@ ipintzeak (urteko hamar), gasak botatzean 1.371,39 tona CO2 murriztea ekarriko luke, hamarkada batean 21,94 hektareako baso berri baten eraginaren baliokidea, hain zuzen. Hirietan auto-pilaketa gutxiago eta zarata gutxiago sortzeaz gainera. "Gogoratu Getxo aitzindari izan dela Getxo-Bizi ezartzerakoan –Bizkaiko lehen bizikleta zerbitzu publikoa– eta Leioarekin batera bizikleta publikoaren bi zerbitzu independente bateragarri egiterakoan; Espainia osoan kasu bakarra", aipatu zuten udal arduradunek.
@park@ sistema
José Gómez Emaúseko zuzendari kudeatzaileak, bere aldetik, azpimarratu zuen @park@ sistemak bere patentea duela eta bizikleten aparkaleku segurua dela. “@park@ sistema, hiri barruan bizikletaz dabiltzan pertsonen beharrak asetzeko zein hirietan garraiobide legez bizikletaren erabilera sozializatzeko diseinatu dugu, ingurumenaren onerakoak ahaztu gabe”, aipatu zuen. Horrez gainera, “bizikletak aparkatzeko eta erabiltzeko Europako lehen sistema unibertsala da, bizikleta publikoa alokatu eta erabiltzearekin batera norberaren bizikleta aparkatzea ahalbidetzen duelako, eta bizikleta publikoaren zerbitzuko sistema guztiekin bateragarria delako”.
Gómezek sistema berriaren ezaugarri bereziak labur bildu zituen:
• Aparkaleku indibiduala kaskoa eta norberaren gauzak gordetzeko konpartimentuarekin.
• Segurua da, sendoa –eta ahal den neurrian- lapurretaren eta bandalismoaren kontra babestua.
• Ainguraketa bakarrik atean dago eta hura ezin da eskuz behartu.
• Uztartuta: bizikleta publikoaren azken belaunaldiko sistemei elkartutako zerbitzu guztiekin.
• Loturazko eta segurtasunezko (BARIK Txartela) aukera teknologiko desberdinei irekia.
• Bizikleta elektrikoak kargatzeko aukerarekin.
• Erreza, praktikoa eta malgua.
• Bizikletari eustekoa guztiz erreza eta ezin eraginkorragoa da eta ez darama ainguraketarik.
• Praktikoa da: zenbait erabiltzailek aldi batera erabili dezakete, egungo bizikleta publikoaren sistemetan ez bezala, itxaron beharrik eta jende-ilararik gabe.
• Malgua da: zuloetan sortutako plazak bizikleta, triziklo, ume-aulki, eta abarren formatu berezietara egokitu daitezke.
• Bizikleta publikoaren sistema desberdinekin bateragarria da, ez da bizikletetan aldaketarik egin behar.
• Optimizatua: auto aparkaleku bakoitzeko 11 bizikleta sartzen dira.
Bizikletak mailegatzeko zein norberarena aparkatzeko sistema probatuko dute Getxon
Getxo izango da @park@ sistema berria probatuko duen lehenengo udalerria, ekipamendu berean bizikleta publikoen mailegua eta bizikleta pribatuen aparkatze segurua bateragarri egiteko. Europan aitzindaria den sistema Emaús Bilbao SCIS-ek garatu du CEDEMOS Mugikortasun Iraunkorreko Zentroaren bitartez eta BBKren gizarte ekintzaren laguntzarekin. Hortaz, herri barruko ziklismoaren zerbitzura izango den aurreneko sistema integratua izango da. 2012ko abendutik 2013ko apirilera bitartean, @park@ sistemaren aurre-serieko prototipoa Areetako Xake plazan lekutuko dute eta, herriko txirrindulari batzuen laguntzarekin, hainbat proba egingo dituzte, bai bere funtzionalitatea, bai erabileraren esperientzia hobetzeko. Sistema berriaren aurkezpenean, joan den asteazkenean, Imanol Landa alkateak 4. sektorea deritzonean, mugikortasun iraunkorraren alorrean, egiten ari diren "lan garrantzitsua" nabarmendu zuen, "Getxo erreferente bihurtzen ari dela". Argazkian, Getxoko Errotatxu industrialdeko CEDEMOS zentroan aurkeztu zuten @park@ sistema / © Getxoko Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun