“Garrantzitsua da herritarrek diru-laguntzen erabilera ezagutu ahal izatea” azaldu du Kepa Miñambres Llona Lankidetzako zinegotziak. “Krisi finantziero globalagatik gure herritar asko eta asko pairatzen ari diren une zailen jakinaren gainean gaude. Errealitate hori hurbiletik ondo ezagutzen duen erakundea izanda, gure esfortzua mundu hobeagoa lortzera bideratzen dugu, hau da, gure aukerak eta baliabideak errealitate berrira egokitzen saiatzen gara, baina Iparraldeko herrialdeetako erakundeok txirotutako herrialdeen kapazitateak areagotze aldera kolaboratzeko dugun beharra ahaztu gabe”, gaineratu du.
Beste jarduera batzuk
Lankidetzako Topaketen barruan, ostiralean, abenduak 7, 21:00etan, “Wilaya” dokumentalaren proiekzioa izango da Areetako Andres Isasi Musika Eskolan; eta larunbatean, abenduak 8, “Mayan Renaissance” dokumentalarena. Azkenik, astelehenean, hilak 10, “Sahara eta giza eskubideak” solasaldia izango da Algortako Villamonteko kultur etxean, 19:30etik aurrera. Aurtengo edizioan Lankidetzako Topaketek Getxoko Udalak Bidezko Merkataritzaren Hiriaren ziurtagiria lortu berri izana ospatuko dute, karparen kanpoaldean jarriko duten hori gogoratzen duen panel baten bitartez, hain zuzen ere, herritarrak mota horretako produktuak erostera animatuz.
Lankidetza herritarrei hurbiltzea eta getxoztar guztien ahaleginari esker herri pobreetan egin den lanaren berri ematea, Udalak Bidezko Merkataritzaren Hiriaren ziurtagiria lortu berri izana ospatzea eta abenduaren 10ean Giza Eskubideen Nazioarteko Eguna dela gogoratzea dira Getxotik Mundura-Mundutik Getxora Garapen Lankidetzako XV. Topaketen helburuak. Tokiko erakundeak antolatuta, igande honetan, hilak 9, izango dira Areetako Xake plazan kokatutako karpan. Aurreko edizioetan bezala, honako jarduera hauek izango dira: egun osoan zehar urteroko Gobernuz Kanpoko Erakundeen azoka eta horretan aurrera eramaten ari diren proiektuak erakutsiko dituzte; ordutegi desberdinetan kafearen dastatzea eta Bidezko Merkataritzako produktuen dastatzea; Munduko zirkua, “Standa Banda” eta “Sabeleko dantza” ikuskizunak eta Bidezko Merkataritzako bi otzaren lehiaketa-zozketa. Gainontzeko ekitaldien artean, txikienentzako ludoteka, berdintasunerako jokoen zonaldean, henna eta hiltze tailerrak eta tearen zeremonia izango dira. Ordutegia 11:00etatik 14:30era eta 17:00etatik 20:30era izango da, sarrera doan. Argazkian, "Getxotik Mundura" topaketen artxiboko irudia / © Getxoko Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun