Diru-laguntzak A, B eta D ereduak dituzten ikastetxe publikoek nahiz pribatuek jasotzen dituzte. Oraingoan, diru-kopurua 25 entitate eta ikastetxeren artean banatuko da, 150 bat jarduera aurrera eramateko. Kopuru hori urtez urte areagotzen ari da, esate-baterako, aurrekoan 129 burutu baitziren. Halere, banatuko den diru kopurua ez da hazi.
Udalak jardueretan euskararen erabileraren jarraipena egiten du urtero, ematen dituen diru-laguntzek aurkeztutako helburua betetzen ote duten eta euskaraz egiten ote diren ikusteko. Pasa den urtean 30 jardueren jarraipena egin zen eta emaitza nagusia jarduera guztiak euskaraz egiten zirela izan zen, nahiz eta emaitzek zer hobetu badagoela erakutsi ere. Horrela umeen artean, 10etik 4 dira euskara hutsez ari direnak edo euskara gehiago erabiltzen dutenak, 10etik 1ek ele bietara maila berean egiten du eta 5 dira gaztelera gehiago erabiltzen dutenak. "Beraz, emaitza hauek adierazten dute eskolak, eskola giroak lortzen duela Getxon euskararen aldeko giroa, euskararen erabilera bermatzen duen giroa, Getxo bezalako herri batean familiak edo kaleak oraindik bermatu ezin duena. Datuek esaten digute Lehen Hezkuntzan erabilerak gora egiten duela. Horregatik segituko dugu horrelako ekimenak bultzatzen" adierazi du Koldo Iturbe Euskara zinegotziak.
Eskoletan euskarazko jarduerak egiteko laguntzak berriz izoztu ditu Getxoko Udalak
Ikastetxeek eta guraso elkarteek antolatzen dituzten eskola-orduz kanpoko jardueretan euskara sustatzeko diru-laguntzetan 40.000 euro banatzea onartu berri du Getxoko Udalak. Hartara, 2012-2013 ikasturterako laguntzen kopurua aurreko bi urteetako berbera izango da. Halere, gogoratu behar da 2006-2007 ikasturtean Udalak 21.350 euro besterik ez zituela inbertitu arlo horretan eta urte horretatik aurrera nabarmen handitu zituela laguntzak, 2010-2011n egun mantentzen duen 40.000 euroko kopurura heldu arte. Euskararen erabilera txikienen artean bultzatzeko helburuarekin ikasturtean zehar antolatzen dituzten jardueren mota eta ezaugarriak ugariak dira. Horien artean, gimnasia, arte, sexualitatea edo irristaketa tailerrak, irteerak, txangoak, kirol anitzak edo euskal asteak aurreikusita daude. Argazkian, udal arduradunak Algortako Egunsentia haur eskolan / © Getxo.net.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun