Sariei dagokienez, 300 euro jasoko ditu irabazle bakoitzak, accesitek 150 euro, eta publikoaren saria jaso dutenek 100 euro. Saritutako mikrokontakizunak hementxe irakurri daitezke: http://www.ehu.es/rowupv07/odm.htm
Oihana Iguaranek eta Mikel Hervasek irabazi dute EHUko mikrokontakizun solidarioen lehiaketa
Gaur, astelehena, abenduak 10, Giza Eskubideen Adierazpenaren urteurrenarekin bat eginez, EHUren Liburutegi Nagusiko hitzaldi-aretoak “Milurtekorako garapen helburuak” mikrokontakizun solidarioen lehiaketaren sarien banaketa ekitaldia hartu du. Sariketa hori EHUko %0,7 Elkartasun Fondoak antolatu du eta edizio honetan 69 idazlan aurkeztu dira guztira, horietatik 12 euskaraz eta 57 espainolez. Euskaraz aurkeztutako mikrokontakizunen artean, lehenengo saria Oihana Iguaranek idatzitako “Borroka da burka...” idazlanarentzat izan da eta accesita Agustin Arrietaren “Proiektua” lanak jaso du. Espainolez aurkeztutako mikrokontakizunen artean, berriz, lehenengo saria Mikel Hervasen “Mi madre” lanak jaso du eta accesita Maitane Aurrekoetxearen “Un molesto granito” mikrokontakizunarentzat izan da. Beste alde batetik, aurten, lehenengoz, bozketa irekiaren bidez emandako sari bi ere banatu dira. Ondorioz, publikoaren boto gehien jaso duen euskarazko saria Josune Rodriguezen “Kapitulu berri bat” mikrokontakizunari eman zaio eta, espainolezko idazlanen artean, berriz, Leire Barrutiaren “¿Tan lejos?” lanak jaso du publikoaren saria. Argazkian, saritutako lagunak / © EHU.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun