Elkartasun Astea Itzubaltzetan:
Abenduak 11, asteartea
19:30 Mahai-ingurua Kitxuren abokatua eta herriko preso-ohiekin, Itzubaltzeta / Romoko Branka herriko tabernan.
Abenduak 13, osteguna
19:30 "Euskal preso politikoak Europan" hitzaldia, Iratxe Urizarren eskutik, Itzubaltzeta / Romoko kultur etxean.
Abenduak 14, ostirala
19:30 "Barrura begiratzeko leihoak" dokumentala, Itzubaltzeta / Romoko kultur etxean.
Abenduak 15, larunbata
Elkartasun Eguna Itzubaltzetan
13:00 Triki-poteoa Brankatik. Bitartean, herri horma-irudia.
14:30 Herri-argazkia Santa Eugenia plazan.
15:00 Herri-bazkaria gaztetxean bertan, 12 euro. Aurretik izena emanda 10 euro. Zerrendak ostegunera arte Baste, Branka, gaztetxea, Gure Etxea eta Txiskales-en.
20:00 Poteo musikatua Santa Eugenia plazatik.
23:00 Dj Kurloi Eskertiarraren Esnea gaztetxean.
Preso eta iheslarien aldeko Gabonetako ekitaldiak Algortan:
Abenduak 14, ostirala
18:00 Poteo-pegada, Algortako Amnistia tabernatik abiatuta.
20:00 Elkarretaratzea, Algortako Telletxe plazan.
Abenduak 17, astelehena
19:00 "Barrura begiratzeko leihoak" dokumentala, Algortako kultur etxean, Villamonten.
Abenduak 20, osteguna
19:30 "Ataramiñe' 12"-ren aurkezpena eta bideokonferentzia, Algortako Eztabaida Gunean.
Abenduak 21, ostirala
20:00 Elkarretaratzea, Algortako Telletxe plazan.
Abenduak 24, astelehena
Presoak Olentzerorekin, Algortako Amnistia tabernatik.
Abenduak 28, ostirala
20:00 Urteko Azken Ostiraleko elkarretaratzea, Algortako Telletxe plazan.
Abenduak 31, astelehena
19:00 Triki-poteoa eta brindisa, Amnistia tabernan.
Preso eta iheslarien aldeko ekitaldiak izango dira egunotan Itzubaltzetan eta Algortan
Urtarrilaren 12ko herri mobilizazio orokorrera bidean, euskal preso eta iheslari politikoen aldeko ekitaldi ugari antolatu dituzte Itzubaltzeta / Romo zein Algortako Herrira bilguneek. Aipatu lehenengo herrian, gaur abiatuko da Elkartasun Astea, Iñaki Gonzalo Casal "Kitxu" gatibu itzubaltzetarraren abokatuak eta tokiko preso ohiek emango duten hitzaldiarekin. Hitzordua 19:30ean izango da, Branka herriko tabernan. Ostegunean, "Euskal preso politikoak Europan" eta, ostiralean, "Barrura begiratzeko leihoak" dokumentalaren proiekzioa tartean, larunbatean izango dute egun potoloa Itzubaltzetan. Triki-poteoa, herri-argazkia, bazkaria, poteo musikatua eta dj emanaldia izango dira Elkartasun Asteari amaiera emateko. Algortari dagokionez, ostiral honetan hasiko dituzte preso eta iheslarien aldeko Gabonetako ekitaldiak, poteo-pegada eginez, 18:00etan, Amnistia tabernatik abiatuta. Antolatutako ekitaldien artean, hilaren 20an, ostegunarekin, "Ataramiñe' 12" bilduma aurkeztu eta bideo-konferentzia egingo dute Bruselan dagoen Xabier Makazaga iheslari politikoarekin. HItzordua 19:30ean izango da, Eztabaida Gunean. Argazkian, urriko azken ostiraleko kontzentrazioa Algortan / cc-by Algortako Herrira.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun