Gomendioak:
1. Ate-leihoak ixtea eta haizeak eroan eta istripuak eragin ditzaketen tresnak kentzea kanpoaldetik (loreontziak, arropa esekitokietatik eta abar).
2. Kontu handia jartzea kalean jarritako behin-behineko aldamioen azpitik ibiltzean.
3. Merkataritzako lokalek kalean ondo tinkatu barik dituzten olanak, mahaitxoak eta antzekoak kentzea.
4. Aldamio, lanetako hesi eta behin-behineko instalazioen arduradunek behar diren segurtasun-neurriak hartuko dituzte instalazio horietan.
5. Errepidetik autoz joatea ekiditen saiatu behar da. Autoa erabili behar izanez gero, kontu handia eduki leku zabaletatik eta zubietatik igarotzean.
6. Zuhaitzetatik, hormatatik edo teilatuetako erlaitzetatik urrun ibiltzen saiatzea eta lanetan dauden edo egoera txarrean dauden eraikuntzetatik urrun ibiltzea.
7. Ez hurbildu haize zakarrengatik olatuek eta marea biziek eragina eduki ditzaketen tokietara. Ez erabili itsasontziak eta loturak begiratu. Ez praktikatu itsas kirolik.
Eusko Jaurlaritzaren Herrizaingo Sailak biharko 21:00etatik ostiraleko 15:00etara 120 kilometro orduko abiadura gaindi dezaketen haize-bolada gogorrak hel daitezkeela-eta emandako alerta laranjaren aurrean, Getxoko Udalak Babes Zibil Arlotik egindako gomendioak betetzea eskatu die herritarrei. Halaber, egoera horren aurrean, Udalak sor daitezkeen beharrei erantzuteko zenbait azpiegitura eta zerbitzu jarri ditu (apurtu eta jausitako zuhaitzak kentzeko ibilgailu eta beharginak, garbiketarako kamioiak...), Udaltzaingoa eta Babes Zibilaren jarduna indartzearekin batera. Larrialdiren bat izatekotan honako telefono zenbaki hauetara deitzea eskatu dute: 944 660 202 (Udaltzaingoa) eta 112 (SOS Deiak).
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun