Bukatzeko herriaren transformazioaren inguruko irakurketa egin nahi dugu. Algortako herria, aldapa mekaniko, aurrefabrikatutako zabu eta nonahi topa daitezkeen igogailuz inguraturik dago. Denbora aurrera joan ahala, herriak ere moldatu egiten dira, baina zein da garapen horren jo puntua?
Herriaren behar errealak hauek direla uste duzu?
Parte hartu, Okupazio Astean, eta zure aldarriak gurekin batera ozen plazaratu!
Pil pil proyect , espazio publikoei buruzko bideoa atxikitzen dizuegu. Herri honetako egoerarekin loturarik ikusten al duzue?
Algortako Gazte Asanblada
AGAk aste honetan herrian zehar jarritako hainbat pankarta (cc-by Algortako Gazte Asanblada)
Algortako Gazte Asanbladak azken bi urteetan zehar Okupazio Eguna ospatu du eta aurten ere Okupazio Asteari ekin diogu, gure aldarriak plazaratuz eta ekintza desberdinak prestatuz: argazki erakusketa, bideo emanaldia, mural margotzea, bazkaria, gaueko jaialdia… Aste honetan herri honetako etxebizitzen eraikuntza masiboa salatu nahi dugu. Gaur egun 3.800 etxe huts baitaude, inolako erabilpenik gabe. Gainera herriko gazteok ez dugu baliabide errealik, etxebizitza hauek eskuratzeko. Nori zuzendutako eraikuntzak ote dira? Bestalde, herriko gazteontzat elkargune eta harreman guneak ziren enparantza eta espazio publikoen lapurreta eman dela salatu nahi dugu; Txiki Otaegi, esaterako. Interes ekonomiko kapitalistara bideratuak izan dira, horrela harreman leku naturalak deuseztatu, eta gazteak taberna, txoko edo espazio murriztuetara bideratuz. Ba ozen diogu; aurten plazak berreskuratuko ditugu!
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun