Gaur goizeko 10:30ean, Berangon sei urtez eman zituen Beatriz Elena Cardona 38 urteko emakumea eta bere bi alabak kale gorrian gelditzekoak ziren, azken uneko ezustekorik ezean. Eta horrela gertatu da, Villarcayon (Burgos) egindako enkantera inor aurkeztu ez denez, Kutxabank-ek etxebizitza bereganatu baitu, balioaren %50ean. Cardonak Berangoko BBKrekin sinatu zuen 95.000 euroko hipoteka mailegua eta, ezin ordainduta, egun 99.749 euroko zorra eskatzen zion Kutxabankek. Bankuak, gainera, abala eman zuten Alacanteko lehengusuen etxea ere jomugan dauka. Berangoko Bilduk deituta, 40 lagunek elkarretaratzea egin dute gaur goizeko 13:30ean Berangoko Kutxabanken bulegoaren aurrean. Izan ere, bankuak Medina de Pomarren (Burgos) "desjabetzea burutu" eta Elena eta bere alabak "kalean utzi" dituela salatu eta auzokideari elkartasuna adierazi diote. Halaber, horrelako egoeren aurrean Udalak protokolo bat eratu dezan ez-ohiko udal bilkura batera deitu eta mozioa sartu du Bilduk Berangoko udaletxean. Argazkian, gaurko agerraldia / cc-by-sa Berangoko Bildu.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun