Izan ere, estatu frantziarrak bide okerretik darrai, estatu espainiarrarekin, muzin eginez gatazka konponbiderako egiten zaizkion deiei. Baina Madril eta Parisen itxikeriak ez ditu gerarazi eragile politiko, sindikal eta sozialak, zeintzuek modu aktibo batean ari diren, gero eta zailago eginez bi estatuei boikot jarreren mantentzea.
Aurore Martinek leku bat izan du eta izango du gainerako eragile eta ordezkariekin batera herri honek konponbide demokratikoa erdiesteko osatzen ari den bidean eta ahalegin honetan parte hartzera deitu nahi ditu herritarrak ere ezker abertzaleak.
Ezker abertzalea
Aurore Martinen kaleratzea dela eta, ezker abertzaleak zera jakinarazi nahi dio iritzi publikoari: ezker abertzaleak besarkada beroa eta zorionak helarazi nahi dizkio Aurore Martini bere kaleratzeagatik. Aurore Martinen kartzelaratzea eskandalu politiko izugarria izan zen. Estatu frantziarrak, estatu espainiarraren bultzadaz, gure herrian zabaldu den garai berri honi estrategia errepresiboaren bitartez erantzun nahi izan zion atxiloketarekin eta hori, Aurore Martinen Espainiaratzearekin batera, ulertezina gertatu zen. Berri ona da kaleratzea eta bat dator Ipar euskal herrian gatazkaren konponbidearen aldeko indarren loraldiarekin. Berriki Baionako Bake Forumak argi utzi ditu ezker eta eskuineko indarren konpromisoak eta dei argiak egin dira bertatik Estatu frantziarrak bere jokabidea alda dezan. Argazkian, Aurore Marin / cc-by-sa Ezkerabertzalea.info.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun