Ostiral honetarako, abenduak 28, Sortzaile Txikien Tailerra antolatu du Algortako Gazte Asanbladak (AGA). Hitzordua goizeko 11etan jarri dute Telletxe plazan. Horrenbestez, ordu horretatik aurrera, diru-zorroak, paparreko orratzak, landareak, txotxongiloak, eta abar egiteko aukera izango dute haurrek. Azaroan "Algorta herria elkarlanean eraikiz" lelopeko kanpaina abiatu zuen AGAk. Besteak beste, asteetan, herritarren iritzia, kezkak, proposamenak... biltzen ibili ziren. Panel handi batzuk jarri zituzten herrian zehar (Kasino plazan, Telletxen, Eztabaida Gunean eta Tellagorrin), Algortan okupazio mugimendua nolakoa izan den eta AGAk zer egiten duen eta nortzuk diren azalduz. Azalpenen atzean, berriz, orri zuri bat proposamenak, iritziak, kezkak, eta abar idazteko. Argazkian, Txorimalo gaztetxearen laugarren urteurrenean Telletxen jarritako haurrentzako jolasak.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun