Algortako Herrirak zabaldu duenez, urteko Azken Ostirala ekitaldi berezia "elkarretaratze deigarria, polita, hunkigarria... egin gura dugu, preso eta iheslariak gure artean behar ditugula aldarrikatu eta, bide batez, senideei herritarren babesa eta berotasuna helarazteko, gatibu zein familiarrentzat horren berezia izaten den urteko garai honetan". Horregatik, auzokideengana jo dute ekitaldian parte-har dezaten.
Gabon Zahar eguneko ekimenak
Bestalde, urteko azken egunerako, abenduaren 31rako, egitarau zabal prestatu dute Plentzia eta Gorlizko gazteek. 19:30ean lotu dira Piruli plazatxoan tabernaz taberna triki-poteoan murgiltzeko asmoz. Brindisa, berriz, portuan egingo dute, baita familia argazkia ere. Algortan ere, triki-poteoa eta brindisa egingo dituzte. 19:00etan jarri dute horretarako hitzordua, Amnistia tabernan. Sopelan, berriz, Udaletxeko Plazan egingo dute preso eta iheslarien aldeko brindisa, 20:00etatik aurrera. Itzubaltzeta / Romon ere, "preso eta iheslaririk gabeko urtebarriaren aldeko brindisa" egingo dute 20:30ean, Aurrezki Kutxa eta Gobelondo kaleen kantoian, Trokazulo tabernaren aurrean.
Urteko Azken Ostirala hartuko dute gaur Euskal Herrian 200 herrik baino gehiagok. Preso eta iheslarien eskubideen aldeko ekimen hori Etxerat elkarteak abiatu zuen eta egun Herrirak eta herri bilguneek dinamizatzen dute, baita Uribe Kostan ere. Algortan, elkarretaratzea 20:00etan izango da Telletxe plazan. Besteak beste, Itzubaltzeta / Romon, Leioan, Sopelan eta Urdulizen ordu berean egingo dituzte kontzentrazioak Xake plazan, Bulebarrean, Udaletxe plazan eta metro geltokiaren ondoan, hurrenez hurren. Urdulizen, elkarretaratzearen ostean, 20:30ean, brindisa eta askaria eskainiko ditu Bilduk herriko tabernan. Oraindik egitarau zabalagoa prestatu dute Sopelan. Bertako gazte asanbladak jakinarazi duenez, Azken Ostiraleko kontzentrazioaren ondoren, hainbat bideoren Aurkezpen Etiketa Gala antolatu dute. Horretarako, presoen aldeko ekimenera galai joatea eskatu dute. Handik triki-poteoan irtengo dira, gaztetxean 22:00etan izango den pintxo-lunchera heldu arte. Ordu erdi beranduago hainbat bideo estreinatuko dituzte: Sopelako preso eta iheslarien alde grabaturiko LipDub-a eta Konstituzio Eguneko Parodia. 23:30ean, ordea, DJ Tetuak musika jarriko dio gauari. Gabon zahar egunerako ere hainbat ekimen prestatu dituzte preso eta iheslarien alde. Argazkian, iaz Algortan egindako urteko Azken Ostiraleko irudi bat / cc-by Algortako Herrira.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun