Hauteskunde garaian agindutakoa ahaztuz, PSOE-k zentrala 2013-an ixtea erabaki zuenean, Nuclenor-ek galduko zituen irabaziak direla eta kalteordaina eskatu zituen Auzitegi Nazionalean. Epaileek ez zuten onartu eskaera, baina enpresak eskatutako kalteordain horiek zerga berriak eta egin beharreko inbertsioak baino askoz handiagoak dira.
Garoña funtzionatu ahal izateko 120 milioi euroko inbertsioa egin beharko litzateke eta horrek argi adierazten du gaur egun ez dela segurua. Fukushiman lehertutako lehenengo erreaktorearen bikia da Garoña.
Endesa eta Iberdrola Garoñarekin jokatzen ari dira gobernuari xantaia egiteko, haien apustu estatuko beste zentral nuklearren mozkinak ez ukitzea, hondakin erradiaktiboen gaineko zerga berriak indargabetzea.
Energia nuklearra porrot egin duen teknologia da, laguntzarik gabe ekonomikoki ez da bideragarria, arriskutsua da eta energia berriztagarriak oztopatzen ditu, beraz Estatu Espainiarreko beste zentral nuklearrak banan banan ixtea eskatzen dugu.
Garoña dagoen eskualdearen ekonomia bultzatzeko plangintza bat ere eskatzen dugu .
Garoñako jarduna bukaerara heldu da. Energia sistema berriztagarria, garbi eta segurua lortzeko bidean urrats garrantzitsu bat da. Urteak daramazkigu esaten eta denborak arrazoia eman digu, nuklearrik gabe bizi nahi dugu. Garoña goian bego.
Ekologistak Martxan
Garoña itxita dago. Zentral nuklearrik zaharrena eta arriskutsuena gelditu dute, oso berri ona da ingurugirorako eta baita gizarterako ere. Hemetik aurrera gainean genuen mehatxu hori desagertu egingo da eta ez dira hondakin erradiaktibo gehiagorik sortuko. Garoñako elektrizitatea ez zen merkea ezta beharrezkoa ere. Bere produkzio elektrikoa energia berriztagarriekin ordezkatuta zegoen aspalditik eta elektrizitate horrengatik preziorik garestiena ordaintzen genuen, Endesa eta Iberdrolarentzako mozkin handiak sortuz. Nuclenor-ek esaten du zerga berriak direla eta Garoña ez dela errentagarria baina ez da egia, Garoña ixten dute gure etengabeko oposaketa izan delako 40 urtetan baino gehiago. Argazkian, Garoñaren itxiera ospatzeko, flash-mob-a egin du gaur Bilbon Ekologistak Martxan elkarteak / © Ekologistak Martxan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun