Ertzaintzak isunak jar ditzake
Joko eta Ikuskizun Zuzendaritzak lokalak ikuskatu ditu kotiloiak ospatu aurretik, segurtasun baldintzak egiaztatzeko eta eska daitezkeen neurriak gogorarazteko antolatzaile eta titularrei. Joko eta Ikuskizun Unitatera atxikitako Ertzaintzako agenteek suteen aurkako babesa, larrialdi irteeren egoera eta bereziki baimendutako pertsona kopurua ez gainditzea gainbegiratu dute. Horrelako arauak hautsiz gero, zigorrak 1.200 eta 3.000 euro artekoak izan daitezke, arau-hauste larritzat jotzen badira; oso larritzat jotzen badira, ostera, 150.000 euro arteko zigorra jaso eta lokala ixteko arriskua izan daiteke.
Gaur, Gabon Zahar gauean, dozena bat kotiloi ospatuko dira Araba, Bizkaia eta Gipuzkoako lokal handietan, Segurtasun Sailak zabaldu duenez. Joko eta Ikuskizun Unitatera atxikitako Ertzaintzako agenteek taberna guztiak kontrolatu dituzte, eta suteen aurkako babesa, larrialdi irteeren egoera eta bereziki baimendutako pertsona kopurua ez gainditzea gainbegiratu dute. Besteak beste, horrelako hiru festa izango dira eskualdean, zehazki Berangoko The Image, Algortako Quality eta Astrabuduako Sonora diskoteketan. Berangon, 30 euro ordaindu beharko da hainbat ikuskizunez gozatzeko. Algortan, ordea, "ez dago sarrerarik" kartela inkatu dute eta Astrabuduan 50 eurotan har daitezke batera gaurko eta Errege Gaueko kotilioirako sarrerak. Bertan, hainbat ikuskizun izango da. Halere, diskotekak ez den makina bat lokaletan izango da giroaz gozatzeko aukera. Esate baterako, gaur Getxo udalerriko ostalariek goizeko 4:30ak arte zabalik izan ahalko dituzte kafetegiak, tabernak eta enparauak eta 6ak arte pubak, klubak eta abar. Diskoteka lizentzia dutenek, ordea, goizeko 8ak arte ez dute itxi behar izango. Argazkian, artxiboko irudian, Itzubaltzeta gaztetxeak goizeko 6etan zabalduko ditu ateak, Galiziarekiko elkartasun festa ospatzeko.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun