“Helburua zaintzaileen kolektiboari laguntzea da eta aldi berean mendekotasun egoeran dauden pertsonei ahalik eta arreta hoberena eskaintzea ere”, azaldu du Elena Coria Gizarte Zerbitzuetako zinegotziak.
Arnas zerbitzua
Bestalde, Udalak Arnas Zerbitzua eskaintzen segituko du. Horren bitartez, zaintzaileari aukera ematen dio Udalak etxetik kanpo jarduera desberdinak gauzatzeko denbora edukitzeko, bitartean profesional kualifikatu bat arduratuko delako mendekotasun egoeran dagoen pertsona zaintzeaz. Zaintzaileak atsedenaldirako 2013. urte osoan gehienez 48 ordu izango ditu.
Baliabide biak jaso ahal izango dituzte Foru Aldundiak aitortutako 2 eta 3 mailetako mendekotasun egoeran dauden pertsonen zaintzaileek. Informazio gehiago 944 660 151 telefono zenbakian.
Getxoko Udalak hiru tailer berri antolatu ditu mendekotasun egoeran dauden lagunen zaintzaileentzat
Getxoko Udalak mendekotasun egoeran dauden senideak zaintzen dituztenei zuzendutako hiru doako tailer berri antolatu ditu hurrengo hilabeteotan, urteak joan urteak etorri sortzen diren beharrizan berrietara egokitzen laguntzeko. Erlaxazio eta barreterapia tailerra (14 ordu) Itzubaltzeta / Romoko Jose Maria Chavarri Zuazo plazako udal lokalean izango da astearteetan, 10:00etatik 11:30era; erizaintzaren oinarrizko zainketaren tailerra (12 ordu) Lagunduz enpresan izango da, Romon, asteazkenetan, otsailaren 6tik martxoaren 13ra, 10:30etik 12:30era; eta antsietatea bideratzeko taldeko laguntza psikologikoaren tailerra (14 ordu), astelehenetan, otsailaren 4tik martxoaren 18ra, 16:30etik 18:30era. Izena emateko epea urtarrilaren 15etik 28ra egongo da zabalik herritarrei arreta emateko bulegoetan. Argazkian, Elena Coria Getxoko Gizarte Zerbitzuetako zinegotziak (erdian) eta Bizkaiko Foru Aldundiko ordezkariek omenaldi xumea eskaini zioten 2008ko azaroaren 13an Pilar Bustillo Lopezi, bere mendeurrena dela eta / © Getxoko Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun