Erandion ere, auto-ilarak sortu dira goizeko lehen ordutik Bi-735 errepideko 9. kilometroan Asuarako noranzkoan. Izan ere, herri-lanak egiten dihardute bertan. 13:40ak aldera, ordea, BI-647 errepidean ur-poltsak sortu dira unibertsitaterako errailean, halere bertatik zirkulazioa arina da. Hurrengo gertakaria 14:15ak aldera izan da Bi-737 errepideko 13. kilometroan, euriteek zirkulazioa oso motela bihurtu dutela. Azkena, ordea, N-637 errepidean izan
da, 12. kilometroan. Bertan, autoren batek matxura izan du eta auto ilarak eragin ditu.
Leioan ere, auto pilaketak izan dira goizeko 8ak eta 10ak bitartean, Bi-637 errepidean, Bilboko noranzkoan, 10. kilometroaren altueran. Toki berean, urak Kukularrerako errailea hartu du 13:55ak aldera eta nekez zirkulatu daiteke hortik. Errepide berean, baina 14. kilometroan, zirkulazioa zaildu egin da, Berangoko Kurtxesera doan errailean ur-poltsak agertu ondoren, 15:40ak aldera.
Berangon, Bi-3737 errepidea izan da kaltetua, uragatik. Zirkulazioa oso motela da bertako 18. kilometroan. Azkenik, Plentziara doan Bi-2704 errepidean ere ur-poltsak sortu dira 18. kilometroan, Sopelako udalerrian. Udalerri berean, baina Bi-637an, urak moteldu egin du trafikoa Kukularrarako norabidean, 18. kilometroan.
Jarraitzeko gomendioak
Eusko Jaurlaritzako Larrialdiei Aurre Egiteko eta Meteorologia Zuzendaritzak euri-jasen arriskuaren aurrean egindako gomendioak aintzat hartzea eskatzen zaie herritarrei. Honako hauek dira gomendioak:
• Ez ibilgailurik utzi ez eta kanpin egin ibilgu lehorretan edo ibaien ertzetan. Gerta liteke urak bat-batean gora edo gainezka egitea.
• Kendu ibilgailuak ur-putzuak sor daitezkeen inguruetatik eta urpetu daitezkeen garajeetatik.
• Ahal baduzu, ez hartu autoa.
• Bidaiatu beharra baduzu, ahal duzula, ibili errepide nagusi eta autobideetatik, eta ikusi ezinik bazabiltza, gelditu leku segururen batean.
• Erretiratu urak eramateko moduko gauza guztiak, batez ere, kutsadura eragin dezaketen produktu arriskutsuak.
• Begiratu inguruko hustubideak ondo dauden.
• Urrundu erreka, uhar, zubi edo urpean gera daitezkeen lekuetatik, eta ez saiatu urak hartutako lekuetatik pasatzen, ez autoz ez oinez: urak indar handia dauka eta eraman egin zaitzake. Ura dela-eta autoa errepidean ez aurrera ez atzera geratzen bazaizu, itzali argiak eta irten autotik.
• Mendi-magaletatik eta muino-magaletatik urrun egon; ura, harriak eta lohia amil daitezke-eta.
• Ura etxebizitzara sartuko balitz, alde soto eta behe-solairuetatik.
• Etxea utzi beharra badaukazu, itzali argindarra eta itxi gasa eta ura. Gainera, utzi ohar bat ostatua non hartuko duzun adierazteko.
• Jo leku altuenetara; saihestu urpean gera daitezkeen lekuak.
• Jakinaren gainean egon beti, irratiz edo bestela, jakiteko egoera zertan den eta eguraldiaren iragarpenak zer dioen.
Larrialdiren bat izatekotan honako telefono zenbaki hauetara deitu behar da: 112 (Sos Deiak).
Gobela ibaiaren inguruko auzokideek, eta bereziki Algortako Larrañazubi eta Neguri Langile auzoetakoek, ubidea tentuz jarraitzen badute ere, oraingoz ur korronteek aurrera egiten dute, arazo nabarmenik gabe. Eusko Jaurlaritzaren Larrialdiei Aurregiteko Zuzendaritzak eta Babes Zibilak euri gogorrengatik gaurko piztutako alerta laranja eta aurreikusitako 80 litro / metro koadroko prezipitazioak, ordea, gehiago nabaritu dira eskualdeko errepideetan. Izan ere, Segurtasun Saileko Trafiko Zuzendaritzak Erandion, Leioan, Berangon eta Sopelan izandako hainbat arazoren berri eman du. Lehenengo Istripua Erandion jazo da, goizeko 11:25ak aldera. N-637 errepideko 11. kilometroan izan da hori, Galdakaorako noranzkoan. Lehenengo datuen arabera, autoren bat errepidetik irten egin da. antzekoa izan da Sopelan izandako istripua. 14:25ak aldera, Bi-637ko 18. kilometroan, autoren bat errepidetik irten da, Kukularrarako noranzkoan. Trafikoa oso motela da bertan. Euriarekin arretaz gidatzeko eskatu du Trafiko Zuzendaritzak. Eguraldiari buruzko argibide gehiagorako, kontsultatu UKBERRI.NETeko eguraldi zerbitzua.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun