"Jarrera inkisidore horiek iraganekoak dira", salatu du Arzuagak. "Justiziara jo dute ideiak kriminalizatzeko ahaleginarekin jarraitzeko eta erabaki politiko legitimoak kriminalizatzen saiatzeko", gaineratu du.
EH Bilduren iritziz, "baliabide demokratiko arrunten bidez lortu ez dutena, alegia, hautestontzien bitartez lortu ez dutena, bestelako baliabideak erabiliz lortu gura dute. Tribunalen erabilpen interesatua eta politikoa egiten dute. Horrek adierazten du gaitasun eza, bide demokratikoetatik lortu ez dena beste bide batzuetatik lortzen saiatzea". Mintegik gaineratu du ekimen errepresiboa ez doala EH Bilduren aurka bakarrik, "gizarte osoaren aurka eta gizarteak emandako mandatuaren aurkako erasoa da".
Goioaga inputatuz “auzitegi inkisidoreek ideiak kriminalizatzeko saiakera” egin dutela salatu du Mintegik
Laura Mintegi Eusko Legebiltzarreko EH Bilduren bozeramaileak eta Julen Arzuaga legebiltzarkideak agerraldia egin dute gaur, Espainiako Auzitegi Nazionalak Iñaki Goioaga abokatua inputatzeko hartu duen erabakia salatzeko. EH bilduren iritziz, epaitegi horrek "izaera politiko nabarmena du eta salbuespeneko jurisdikzioa aplikatzeko erabiltzen da". Oraingoan, UPyDk Goioagaren aurka jarritako salaketa bati bide eman dio Auzitegi Nazionalak. Erabaki hori gogor salatu du EH Bilduk eta Goioagari "erabateko elkartasuna eta berotasuna" adierazi dio, "bai politikoki eta baita pertsonalki ere". Mintegik eta Arzuagak emandako prentsaurrekoan, gogoratu dute jada Carlos Urquijo Espainiako gobernuaren delegatuak "ahalegin hutsala" egin zuela Goioagaren izendapena oztopatzeko. Oraingoan, gaia auzitegietara eraman dute "salaketa makur baten bitartez, argudio juridiko benetan makalak erabiliz eta segurtasun juridikoa albo batera utziz". Argazkian, Mintegi eta Arzuaga / cc-by-sa EH Bildu.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun