Gaur Uribe Kostan jasotzen ari diren eurite gogorren aurrean, ohi legez, Gobela ibaiak Getxo udalerrian zehar duen ubideak hartu du arreta gehien. Halere, salbuespenak salbuespen, udal horretan urak hartzeko prestaturiko zonaldeak baino ez dira ureztatu oraingoz, Algortako Fadura udal futbol zelaia edo Getxo I institutuaren inguruak bezala. Horrek, baina, ez du auzokideen inguruan tentsio eta urduritasun gutxiago sortu. Aldiz, ibaiak gainezka egin du Berangon eta kalteak eragin ditu Sabino Arana kaleko hainbat lonjetan. Bertako auzokideek kotxeak garajeetatik atera behar dituzte eta ateak eta sarrerak lur-zakuz hormatu dituzte, arriskua ahalik eta gehien saihesteko. Argazkian, urak auto bat harrapatu du guztiz metroko zubiaren azpian, Berangon. Sopelarako errepide hori moztu behar izan dute / © Julen Nafarrate.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun