Arratsaldeko 19:09an zen mareagoratik nabarmen jaitsi egin dira Gobelaren, Asuaren eta eskualdeko beste ibaien emariak. Getxoko Udalak baieztatu duenez, horrela gertatu da Gobelan zehar Udaltzaingoak jarritako aztertze-puntu guztietan, hala-nola, Salsidu, Fadura, Larrañazubi, Aiboa eta Leioako zubietan zein Txikia plazan eta Etxezurin. Era berean, errepide guztiak "egun osoan zehar egon diren bezala" zabalik daudela nabarmendu dute udal iturriek. Hobekuntza horiek eman arren, Getxoko Udalak krisialdi mahaia eta larrialdietarako operatiboak martxan izaten jarraituko dituela zabaldu dute. Gauerditik aurrera, Eusko Jaurlaritzaren Larrialdiei Aurregiteko Zuzendaritzak eta Babes Zibilak euriteengatik piztutako alerta laranja horira jaitsi egin du. Izan ere aurreikusitako prezipitazioak 80 litro / metro koadroko izatetik, gehienez jota 60 litro erortzeko probabilitate txikia izatera pasa dira. Euskalmetek zabaldu duenez, egunean zehar zaparrada txiki-ertainak botako ditu. Euriaz gain, haizeak eta olatuek ere alerta horiak piztu dituzte. Argazkian, Fadurako zubia atzo.
Haize-boladek 100 km/h-ko abiadura gainditzeko probabilitatea txikia dute kostaldean, arratsaldeko 3ak arte. Itsasaldeko arriskuari dagokionez, arratsaldeko 6ak arte izango da indarrean. Goizaldean eta azken orduetan olatuen altuera adierazgarria 3 eta 3,5 metro artekoa izango da. Eguneko erdiko orduetan olatuen altuera adierazgarria 4 metro baino handiagoa izateko probabilitatea txikia da. Ipar-mendebaldeko hondoko itsasoak 3 metro inguruko olatuak altxatuko ditu.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun