Udal arduradunen arabera, "hori guztia, hiriaren jardunerako funtsezkoa den zerbitzuaren kalitatea hobetzera zuzenduta dagoen ekintzaren harira egingo da". Kontratu berriaren iraupena urtebetekoa izango da, eta beste urte batez luzatu ahal izango da. Iazko prezio eta ordutegiari eutsiko zaie, eta era berean, araututako aldeetan ez da aurreikusten aldaketarik egitea.
TAO Getxon
Getxon TAOren kostua, batez beste, Bilbokoaren erdia da eta Barakaldokoaren ia erdia. 2011n TAOren 1.538 aparkaleku arautu izan ziren (1.077 Areetan eta 461 Algortan). 146.000 bat lagunek erabili zuten eta milioitik gora izan ziren aparkaldiak. Aparkaleku guztien %45 eta 54 artean bete zituzten egoiliarrek. Orduko 430 eragiketa jaso ziren orduko eta %85 esku-dirutan ordaindu zen.
Tokiko Gobernu Batzordeak Getxo udalerriko bide publiko zehatz batzuetako Azaleran Ibilgailuen Aparkaleku Arautuaren Zerbitzuaren kontratua esleitzeko espedientea irekitzea onartu du gaur. Administrazio-izapide arrunta da TAOren zerbitzua berriro esleitzeko. Kontratu berriaren helburua da "bide publikoetan aparkamendua berrantolatu eta gestionatzen jarraitzeko beharrari erantzutea, saltokietara eta zerbitzuetara erraz iristea ahalbidetzeko, aparkalekuen txandakatzea maximizatuz", udal iturriek azaldu dutenez. Halaber, egun instalatuta dauden eta egoera onean dauden elementuen (makinak, euskarri informatikoak, ...) balio-bizitza luzatzea nahi da, horrela, denbora horretan, baldintza-agiri berria prestatu ahal izateko. Agiri horrek berandu baino lehen ezarri beharreko beharrak jasoko ditu, zerbitzuaren egungo kudeaketan, hala nola, jardueraren eremuan, tarifetan, ordutegietan eta isunetan, egin daitezkeen aldaketak edo hobekuntzak sartuz. "Horregatik, Gobernu-taldeak udal talde politikoen eta inplikatutako sektoreen iradokizunak eta iritziak biltzen jarraitzen du, baldintza-agiri berria adosteko asmoz", aipatu dutenez. Argazkian, TAO zonalde bat Algortan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun