EAJko lagunei "diru publikoa oparitzea" egotzi dio Maribel Landa Gaubeka Berangoko alkate jeltzaleari bertako Ezker Anitza alderdiak. Ezkerreko taldeak bere bitakoran argitaratutakoaren arabera, Landak Berangoko gazte lonjen ordenantza idazteko prozesu parte-hartzailea burutzea "nahierara" esleitu ei dio Joseba Koldo Alzaga Muruaga den Maruri-Jatabeko alkate jeltzaleari. Ezker Anitzaren ustez, "horrelako lotsagabekeriek hiritarra kudeatzaile politikoengandik ihes egitera bultzatzen dute. Berangoko EAJk norabidea galdu eta, dagoeneko, dena bost axola zaiola ematen du. Kontu honetan okerrena da gerora ordenantza hiritarren parte hartzeaz egin dutela salduko diotela herriari, eta hemen ikusten dudan parte hartze bakarra EAJren alkateen arteko parte hartze ekonomikoa da", gaineratu du Koldo Endika Martinez zinegotziak. Halere, Ezker Anitzak ez du oraingoz zabaldu bere salaketa berresten duen agiririk. Argazkian, Maribel Landa Berangoko alkatea.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun