Soinu bandak ere konposatu ditu, hala nola Lino Varelaren “Al otro lado de la calle” filmerako, baita dantza ikuskizunetarako ere. “Festival de Interpretes e Instrumentos Insólitos” jaialdiaren zuzendari artistiko eta sortzailea da, Estatu espainolean dagoen bakarra. Bere pasioa tronpeta-biolinak dira, eta goizez, zerrotea jotzea.
Giro lasaian, gonbidatuak bere ibilbideaz hitz egingo du eta anekdotak kontatuko ditu, betiere musikaren testuinguru liluragarriaren barruan. Gaua jam session batekin amaituko da. Sarrera 10 eurotan eros daiteke.
Bihar, ostirala, gaueko 10etan, dagoeneko klasikoa bilakatu den Bluenight gaua izango da Kultur Leioan. Bertan, oholtzaren gainean ohikoa den Travellin' Brothers talde leioaztarrak Diego Galaz biolinista gaztelarra izango du gonbidatu moduan. Galaz konpositore, interpretatzaile eta irakaslea izateaz gain, eskarmentu handiko musikaria da: La Musgaña banda mitikoko kide; Nacho Mastrettaren orkestrako biolinista; Zoobazar eta La apasionante musica de cine-ren sortzaile, Luis Delgado eta Cuco Perezekin batera; baita Bailes Vespertinos edo Feten Feten bikotearen sortzaile ere bada Diego Galaz. Artista handiekin jo du, Kroke, Marta Sebestyen, Alasdair Fraser, Kepa Junkera edo Jorge Drexlerrekin, besteak beste. Argazkian, Diego Galaz / © Leioa.eu.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun