Aitor Furundarena ere ez da atzean gelditu. Irakaslea, akordeoilari eta goi-mailako musikagilea da. Donostian, Parisen eta Kopenhagen egin ditu musika ikasketak. Interprete gisa, musika garaikidean, tradizionalean eta dantzarako musikan sakondu du batez ere. Grabazio askoren egilea da eta talde askotan jo du (Faltriqueira, Patxi Kaleko, Amaia Zubiria, HF, AIKO, Pantxoa eta Peio, Txomin Artola, Larraitz Ugartemendia, klake dantzariak...). Moldatzaile eta musikagile gisa, ETBko "Betizu", "Sorginen Laratza", "Triki traka triki tron", "Izar gazte bila", "Sikofonia" eta "EKO" saoietan aritu da. Antzerki munduan ere, "Kutsidazu bidea, Ixabel" eta "Kaukasiar Kreazko Borobila"-n eman du berea. Zinemagintzan, "Olentzero" eta "Betizuak izar artean" filmetan egin du lan. Gaur egun Ganbera, Transkripzio Herri Musika eta Bat-batekotasun irakaslea da Musikene Euskal Herriko Goi-mailako Musika Ikastegian.
Larunbat honetako errezitaldian eskainiko duten egitarauaren barruan, Astor Piazzolla, Phil Cunningham, Sabin Bikandi eta bikotearen beraren obrak joko dituzte. Kontzertu horren ondoren, hil honen 26an, larunbata, Jose Maria Gonzalez eta Anus Cividianek osatutako kantu eta piano bikotearen errezitaldia izango da. Goio Gutierrez Cuarteto izeneko rock progresiboko taldeak otsailaren 2an joko du; Andrea Duca bibolin eta Luminita Duca, piano-joleak otsailaren 9an eta Jeronimo Martin Sexteto jazz bandak, otsailaren 16an.
Garikoitz Mendizabalek eta Aitor Furundarenak osatutako txistu eta akordeoi bikotea etzi, larunbata, arituko da Areetako Andres Isasi musika eskolan. Hitzordua arratsaldeko 7:30ean jarri dute eta sarrera 4 eurotan eskuratu ahal izango da. Errezitaldia Neguko Bidaia kontzertu zikloaren bigarren ekimena da eta otsailaren 16ra arte beste lau saio izango dira Areetako musika eskolan. Garikoitz Mendizabal eskarmentu handiko musikaria da. Besteak beste, Azpeitiko Izarraitz txistulari taldeko kide, Zestoako Idiakaitz taldeko zuzendaria, Elgoibarko dultzainero taldeko partaide, Gasteizko Txistularien Udal Bandako musikari eta Donostiako Udal Bandako silbote jotzailea izan da. Musika banda anitzekin kolaboratu du, zenbait sari jaso ditu eta 2004ko urtarrilaz geroztik Bilboko Txistularien Udal Banda zuzentzen du, eta horrekin hiru disko grabatu ditu jada. Horrez gain, bakarlari gisa, honako disko hauek argitaratu ditu: Txistu Symphonic, Bratislavako Orkestra Sinfonikoarekin batera, Bihurriketan, Sosegua eta Arnasak, Aitor Furundarenarekin batera. Zestoako musika historiaren konpasean liburua idatzi du ere. 2003. urtetik 2010. urtera Euskal Herriko Txistulari Elkartearen presidentea izan da. Argazkian, Mendizabal eta Furundarena / © Ander Gillenea - Getxo.net.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun