"Faxismo gehiagorik ez! Ez Grezian, ez hemen, ez inon!" lelopean, elkarretaratzea egingo dute etzi, larunbata, Bilbon. Hitzordua Bizkaiko hiriburuko Kale Nagusiko 33. atariaren aurrean, Europar Parlamentuak duen bulegoaren aurrean, alegia, jarri dute, arratsaldeko 6etan. Protestaren xedea Greziako Egunsenti Urrekara alderdi neonazia eta bere ideia arrazistak eta homofoboak salatzea da, Greziako mugimendu antifaxistek Atenasen eta nazioartean deitutako elkartasun egunarekin bat etortzeaz gain. Besteak beste, Ingalaterra, Eskozia, Irlanda, Frantzia, Austria, Herrialde Katalanak, Polonia, Errusia, AEB eta Australiako hainbat hiritan protestak izango dira larunbatean. Gauzak Horrela, Sare Antifaxistak euskal ekarpena egitera deituta, hainbat kolektibok deialdiarekin bat egin dute. Besteak beste, SOS Arrazakeria, Askapena, CNT Euskal Herria, Euskal Herriko Mumiaren Lagunak, HNT, Gazte Komunistak, Eusko Lurra Fundazioa, Lau Haizetara Gogoan eta Komite Internazionalistek bertaratzeko deia egin dute. Argazkian, Liskar bat Greziako Egunsenti Urrekara alderdi neonaziaren zaleen eta anarkisten artean Tesalonika hirian, 2002an / cc-public domain Antepithesh.net.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun