Bestalde, 2012an aritu zen Bigarren Hezkuntzako ikasleen kopurua 78 ikasgelatako 1.666koa izan zen. Zentro bakoitzeko 208 ikasle eta 10 irakasle aritu ziren, bataz beste.
Horiek ere txosten zehatzak eduki dituzte; zinemaren bitartez “Osasunerako droga mendekotasunaren prebentzio eta osasun heziketarako programa” eta prebentzioari buruzko tailerrak ikasgelan, gehien eskatutako jarduera. Horren modalitateak droga-mendekotasunari buruzko tailerra; gizarte sareen erabilpen egokiari buruzko tailerra (gero eta gehiagotan eskatzen ari direna, heziketan eta harremanetan duten eraginagatik); sexualitate eta H.I.E.Sari buruzkoa eta “alkoholaren arriskua” izenekoa. Azken horretan DBHko laugarren mailako eta Batxilergoko lehenengo eta bigarreneko 37 ikasgelatako 818 ikaslek hartu zuten parte.
Getxoko Udalak kaleratutako txostena (© Getxoko Udala)
Droga mendekotasunari aurrea hartzeko Getxoko Udalak iaz egindakoa argitaratu dute
Getxo udalerriko heziketa zentro pribatuek zein publikoek, eta Lehen Hezkuntzakoek zein Bigarrenekoek eta Batxilergokoek, parte hartzen dute Getxoko Udalaren Prebentzio Zerbitzuaren droga menpekotasunaren prebentzio eta osasun heziketarako programaren batean. Iazko txostena Getxo.net udal web gunean zein hemen behean irakur daiteke dagoeneko. Bertako datuen arabera, 4.666 ikaslek parte hartu zuten aipatutako programetan. Lehen Hezkuntzaren kasuan, bataz beste, ikastetxe bakoitzeko 11 gelatako 230 ikaslek hartu zuten parte 11 irakasleren partaidetzarekin. Guztira 150 gelatako 3.000 ikasle izan ziren. 2012.urtean eduki zituzten baliabideak honako hauek izan ziren: behar zehatzetarako unean uneko txostenak eduki zituzten eskuragarri; “Nire lagunekin baratzean” umeen arteko harremanak lantzeko eta zinema hezkuntzan erabiltzen duen “Baloreetan hezten” programa. Argazkian, gazte bat porru bat prestatzen, artxiboko irudian.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun