Josu Loroño Udaleko Komunikazio eta Hiritarrentzako Arreta arloetako zinegotziak aipatu du iaz udalerrian dauden lau hiritarrentzako arreta bulegoetan 127.698 gestio egin zirela, 2011n baino %3,67 gehiago. Areeta-Romoko HABen egindako gestioak auzoko udal-bulego guztietan egiten diren izapide guztien %26,53 dira, aurreko urtekoa baino ehuneko handiagoa ere. Loroñok gaineratu du bulego horretan egindako gestio kopurua handitu egin dela 2011koaren aldean, 32.058tik 33.877ra (+ %5,67) igo baita. Maiatzean izan da izapide kopuru gehien, 3.418, eta horren ondotik datoz ekaina, urtarrila, iraila eta urria (3.327, 3.224, 3.054 eta 3.037 gestio, hurrenez hurren). “Bulego horretan egindako lanaren bolumenaren bilakaerak goranzko joera izan du beti, kopuruari dagokionez, lehen tokian izan delarik 2011ra arte, Zabalako HABeko gestio kopuruak gora egin zuen arte”, nabarmendu du Loroñok.
10etik 9,1
Zenbakien gaineko datuekin batera, eskaintzen den zerbitzuarekin zerikusia dutenak azpimarratu behar dira. “Gure HABak herrialdean zabaldu ziren lehenak izan ziren, baita bere jardunean kalitate sistemak sartu zituzten lehenak ere, ISO egiaztagiria zutela. Egiaztatze hori dagozkion epealditan berritzen da”, hiritarrentzako arreta zinegotziak gehitu duenez. Halaber, eta Udalak berak kudeaketa hobetzeko aurrera daramatzan ekintzen harira, bi urtean behin gogobetetasun-inkestak egiten dira zerbitzuen erabiltzaileen zein erabiltzaileak izan litezkeenen artean. “Inkesta horiei buruz, berriro diot, etengabeko hobekuntza bultzatzen jarraitzeko pentsatutako inkestak direla, esan daiteke HABetan eskainitako zerbitzuaren gaineko gogobetetasun maila orokorra 10etik 9,01ekoa dela. Esan ahal dugu ere arreta jasotzeko batez besteko itxarote-denbora 4,8 minutukoa dela”, aipatu du, amaitzeko, Loroñok.
Itzubaltzetakoa kendu eta Areetan zabaldu dute herritarrentzako arreta bulegoa
Gestio kopurua handitzeko eta zerbitzua lokal modernoago eta egokiago batean eskaintzeko helburuak dituela, Getxoko Udalak hiritarrentzako arreta bulegoa (HAB) zabaldu du Areetako Mesdeetako kaleko 13. zenbakian, antzinako merkatuan dagoen Elkartegiko eraikin berriko beheko solairuan. HAB berria, 75 metro koadrokoa, Itzubaltzeta / Romoko Aurrezki Kutxa kaleko lonja pribatu batean zegoen bulegoa ordezkatuko du. Bertan eskaini da orain arte zerbitzua. Horretaz aparte, Getxolanek eskainitako funtsezko zerbitzuak eta Turismo gunea kokatuko dira eraikin berrian. Horiekin batera, KZgunea eta 2, 3 eta 4. solairuetan Elkartegia egongo dira, eta teilatupean BiscayTIK proiektuaren osagarriak diren teknologia berriei lotutako enpresak ere, guztiz berritzaileak direnak, ipiniko dituzte. ”Zerbitzu horiek guztiak abiatuta aukera berriak zabaltzen dira aberastasuna sortzeko, egungo egoeran honetan oso garrantzitsua den gauza”, adierazi du gaurko prentsaurrekoan Imanol Landa alkateak. Argazkian, Imanol Landa alkatea eta Josu Loroño zinegotzia bulego berria bisitatzen gaur / © Getxoko Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun