Itxartu taldeko Ricardo Ansotegiren arabera, 600 atleta inguru espero dituzte biharko lasterketan, azken urteotan kros honek izan duen gorakadari erreparatuz. "2007an 176 lagun izan ziren eta 507 korrikalari 2012an.
Zirkulazio neurriak
Algortako Etorbidean eta inguruko kaleetan (Zabala, Torrene, Amezti, Mariandresena eta Telletxe) bidea itxiko dute tarteka ibilgailuentzat, igande honetan, 11:00etatik 13:00era, Itxartu Taldearen Krosa dela eta. Halaber, herritik kanpo bizi diren korrikalari guztiei metroz Algortako geltokiraino etorri daitezela aholkatu die Itxartu Taldeak, geltoki eta lasterketaren irteeraren artean 300 metro baino ez baitago. Eta ibilgailuz etorriz gero, kotxea Portu Zaharreko zabalgunean uztea aholkatu dute.
Igande honetan, urtarrilak 27, hasiera emango zaio atletismo proba herrikoien aurtengo egutegiari Getxo udalerrian, Algorta erdigunea hartuko duen Itxartu Taldea Krosaren 27. edizioaren bitartez. Orotara, hamar kategorietan lehiatuko dira korrikalariak. Horrenbestez, txikiak izango dira lehiatzen lehenengoak goizeko 11etan Algortako Etorbidetik, batzoki aurretik, abiatuta; 330 metroko ibilbidea osatzeko asmoz. Irteten azkenak, berriz, senior mailakoak izango dira: 12:30ean daukate hitzordua, 5.500 metro osatzeko. Lasterketa guztietan neska eta mutilak arituko dira batera, nahiz eta kategoria bakoitzean bi sailkapen egongo diren. Getxo Kirolak udal erakundeak zozketatuko dituen 7 sariez gainera, maila bakoitzeko irabazleei garaikurrak emango zaizkie, eta ume mailako zein adin txikiko guztiei oparitxo bana emango zaie helmugara iritsitakoan, baita doako hamaiketakoa hartzeko txartela ere. Izen-ematea doakoa izango da parte-hartzaile guztientzat. Baina, amaitu egin da jada aldez aurretik apuntatzeko epea. Hala ere, krosaren egun berean, proba bakoitzaren hasiera baino ordu erdi lehenago, irteera lekuan, izena eman ahal izango da. Argazkian, txikienak Itxartuko krosean, aurreko edizioetako batean / © Itxartu Taldea.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun