Ikastetxeak izango dira eskaerak bideratzeko arduradunak, baina, izapideak errazteko asmoz, interesatuek internet bidez egin ditzakete gestioak, www.hezkuntza.net webgunean, otsailaren 7ra arte. Kasu honetan, eskaera bete ondoren, gurasoak lehen aukera bezala aukeratu duten ikastetxetik igaro beharko dira, eskatutako dokumentazioa eramateko.
Seme-alabak lehen aldiz matrikulatu nahi dituzten gurasoek 586 zentro izango dituzte bi urteko haurrentzat -%60,2 publikoak- eta 545 hiru urteko umeentzat -%60,7 publikoak-. 2012/2013 ikasturtean 356.421 aurrematrikula egin ziren, aurreko ikasturtean baino %1,95 gehiago.
Astelehen honetan zabaldu dute Araba, Bizkaia eta Gipuzkoako haur, lehen eta bigarren hezkuntzako ikastetxeetan aurrematrikula egiteko epea, eta otsailaren 8ra arte egongo da zabalik, Eusko Jaurlaritzako Hezkuntza Sailak jakinarazi duenez. Epe horretan, bi urtetik gorako haur hezkuntzako, lehen hezkuntzako eta bigarren hezkuntza ikasleen gurasoek eskaerak aurkeztu ahal izango dituzte eskola eta ikastetxeetan. Eskaerak aurkezteko epea bukatuta, eskatzaileen zerrenda otsailaren 19an argitaratuko da eta plazen behin-behineko esleipena martxoaren 4an jakinaraziko da. Egun horretatik martxoaren 15era arte erreklamazioak aurkeztu ahal izango dira, martxoaren 21ean behin betiko zerrendak argitaratuko dira eta apirilaren 12an bigarren eta hirugarren aukerak ezagutaraziko dira. Argazkian, Algortako Larrañazubi Haur eta Lehen Hezkuntzako ikastetxeko ikasle eta irakasleak, artxiboko irudian / © Eusko Jaurlaritza.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun