"1936ko gerran, aurreko gatazka zibiletan eta frankismo garaian Getxo udalerrian izandako biktimei" aitorpena eta horiei eskainitako urteko omenaldia egingo die ostiral honetan, otsailak 1, Getxoko Udalak. Goizeko 11etan hasita, Galeako ibiltokian lekututako “Liburuaren oroimena” izeneko eskulturaren ondoan egingo den hirugarren ekitaldia izango da aurtengoa. Imanol Landa alkate jelkidea buru dela, "biktimei errespetua, oroipena eta bihotz-bihotzetiko omenaldia aitortzeko ekitaldi publikoa eskainiko da berriro, adiskidetzean eta konkordian oinarrituta", azaldu dute udal iturriek. Iazko omenaldian, Udalean ordezkaritza politikoa duten talde guztietako (EAJ, PP, Bildu eta PSE-EE) ordezkariak izan ziren, baita zendutakoen senide batzuk ere. Aipatu ekitaldia urtero egitea erabaki zuten 2009ko martxoko osoko bilkuran. Argazkian, Landa alkatea lore sorta uzten iaz / © Getxoko Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun