Ostegun honetan, urtarrilak 31, batzar irekia egingo du Algortako Herrira bilguneak. Hitzordua 19:30ean izango da Aldai patronatuan, Itsas-Ganen. Gai-ordenari dagokionez, urteko balantzea, aurrera begirako erronkak eta bestelakoak izango dituzte hizpide. Hartara, Algortako Herrira bilguneko talde eragileak herritar guztiak gonbidatu ditu batzar irekian parte hartzera, "guztion indarrez euskal preso eta iheslari politikoak etxera ekarriko ditugulako". Bestalde, Jon Rosales Palenzuela gaztearen eta beste zortzi euskal herritarren kontrako epaiketa egiten ari dira egunotan, Espainiako Auzitegi Nazionalean. ETAri laguntza ematea egotzita, 10 urteko espetxe zigor eskaerari aurre egin behar izango dio algortarrak, "akusazioan oinarri bakarra, inkomunikazio aldian, basaki torturatuta izan zenean ateratako deklarazioa dela". Epaiketa aurreikusitakoaren arabera joatekotan, gaur izango dute azken saioa Madrilen akusatuek. Gaurko, elkarretaratze informatiboa deitu du Algorta-Getxoko Ezker Abertzaleak eta baliteke manifestazioa ere egitea. Hitzordua 19:30ean jarri dute, Telletxe plazan. Argazkian, asteleheneko manifestazioa Telletxetik abiatzen.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun