"Urteetan zehar ez ikusiarena egin dute agintariek, auzokideen kexak etengabeak izan arren, beraien jarduerak Udalaren baimenik gabe gauzatu dituztelako gaztetxeko kideek. Orain, Errekaganen, Gobelako lanak hasita, desjabetze prozesu irregularra abiatu dute, zeinean desjabetuak beregain hartu beharko lituzkeen kargak ordainduko dituen Udalak", adierazi du Luis Almansa Getxoko PSE-EEko bozeramaileak. Are gehiago, Ezequiel Agirre kaleko etxea "Legeak exijitzen duen lehia erregimena errespetatu gabe ematea" egotzi dio Udalari.
Itzubaltzeta gaztetxearen etorkizuna kolokan
Itzubaltzeta gaztetxeko neska-mutilei "faborezko tratua ematea" egotzi dio Getxoko PSE-EEk Udalari
Itzubaltzeta gaztetxeko kideei lagatako Ezequiel Agirre kaleko 14. zenbakiko "etxe merkea" etxegabetzea edo "muturreko bestelako arazoren bat" jasan duten lagunentzako "aldi baterako etxebizitza" bezala erabiltzea eskatu dio Getxoko PSE-EEk Udalari. "Edo bestela, zergaitik ez, Berdintasun Planean jaso bezala, udalerrian halabeharrez izan behar dugun harrera pisua bezala", Luis Almansa tokiko sozialisten buruak gaineratu duenez. Urtarrilaren 21ean abiatu ziren Gobela ibaiko lanak Errekaganen, uholdeak saihesteko asmoz. Bi urte eta erdi iraungo dute URA Uraren Euskal Agentziaren obrek. Hurrengo egunean, berriz, Itzubaltzeta gaztetxearekin hitzarmena adostu duela iragarri zuen Udalak, eta bertoko neska-mutilak hasi dira pixkanaka erreka ondoko pabilioiak husten. Akordioari jarraituz, Ezequiel Agirre kaleko “etxe merkeetako” bat lagako die Udalak Itzubaltzeta gaztetxeko kideei, "bere jarduera soziokulturala aurrera eraman ahal izateko", Getxoko PPren arbuioa tarteko. PSE-EEkoentzat, ordea, prozedura hori "irregulartasunez beterik dago, legezkotasun eza ez aipatzearren". Are gehiago, Itzubaltzeta gaztetxeko neska-mutilei "faborezko tratua ematea" egotzi dio Almansak tokiko Gobernuari; "lehen baimenik eskatu gabe Errekaganen egiten zituzten legez kanpoko jarduerak emandako etxean egiten jarraituko dutelako, hori lagatzeko Legeak exijitzen duen lehia erregimena errespetatu barik". Argazkian, Luis Almansa Getxoko PSE-EEren bozeramailea.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun