Urtero legez, otsailaren 4ko Agate Deuna bezperan, kalez kale kantuan ibiltzera deitu ditu herritarrak Sopelako Udalak, ohitura zahar hori galdu ez dadin. Gauzak horrela, animatzen direnek 100 euroko dirusaria jasoko dute, Sopela eta Larrabasterrako toki zehatz batzuetan abesteagatik. Gutxienez 10 lagunez osatuta egon beharko dute taldeek, partaide guztiak sopeloztarrak izan eta baserritarrez jantzita daudela, gainera. Horretaz gain, zortzi toki izango dituzte, halabeharrez agertzekoak. Horietako bi Urgitxieta plaza, 12:00etan; eta udaletxeko plaza, 18:00etan. Eta entregatuko den taberna zerrendan edozein ordutan. Izena emateko epea otsailaren 3an amaituko da, eta horretarako Kurtzio Kultur Etxera jo beharko da. Ondoko telefono zenbakira ere dei daiteke: 944 065 505. Edo mezu elektronikoa bidali: kultura[abildua]sopelana.net. Argazkian, talde bat Agate Deuna bezperan abesten, eguerdian, Sopelako udaletxeko plazan / © Sopelana.net.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun