Hilabete honetan bertan hasi dira, era berean, landaredi osoa sasiz garbitzeko eta kanpoko zein bide eta eraikineko espazio garden eta barrukoetan dauden zaborrak garbitzeko lanak. Lan horiek erabiltzeko moduan dauden lorezaintza udal zerbitzuetakoek egiten dituzte. Lan horien ondotik etorriko da beste jarduera bat, hormetan kalte egin dezakeen landaredia kentzeko. Udaberrian berriz aztertuko da eta jarduera berria egingo da, lehenengoa nahikoa ez balitz, harresietan kalte egiten duen landaredia kentzeko.
Azkenik, aurten aurreikusita dago itsasargi-dorrea sendotzeko birgaitze lanak egitea, era horietako lanak egiteko adituak izan eta behar adineko curriculuma daukaten harginek egin beharko dituztenak. Joseba Arregi Hirigintza zinegotziak adierazi duenez, “bistan denez, ez dugu hor gelditu behar, eta horregatik, mantentze-planaren proposamenen arabera, esku hartzen jarraitu beharko dugu, Galeako gotorlekuak udalerriko elementu berezietako bat legez segi dezan”.
Getxoko Udalak Galeako gotorlekua mantentzeko edo zaintzeko hainbat jarduera egingo ditu aurten, berarentzat erabilerarik finkatuta ez dagoenez denboraren poderioz higadura handiagorik, ez eta kalte berririk jasan ez dezan. Lan horiek itsasargi-dorrearen birgaitzearekin emango dira amaitutzat. Aranzadik egindako ikerketa arkeologikoan seinalatutako jarraibideei jarraituz, aurten doktorego-ikerlana egingo du, jada hasita dago, EHUko Zientzia eta Teknologia Fakultateko Mineralogia eta Petrologia sailak. Ikerketa horrek zehaztuko du gotorlekuko harriaren eta elementu desberdinen morteroaren narriadura zerk eragin duen. Halaber, baloratutako mantentze-plana idatziko dute, denboraren poderioz eraikinak ez higadura handiagorik ez eta bere kontserbazio-egoera larriagotuko duen kalte berririk jasan ez dezan, nahitaezkoak diren jarduerak finkatzeko. Argazkia: © Kr3stO - Getxoko PSE-EE.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun