Maïa Vidal kantautorearen indie musika izango da protagonista ostiral honetan Kultur Leioako auditoriumean, 21:00etatik aurrera. Sarrerak 10 eurotan izango dira. Maïa Vidal ez da ohiko kantautorea. Bere biolin, soinu, gitar, perkusio, jostailu-tresna eta ahots bikain eta erakargarriaren bidez, soinu-unibertso aparta oIndie musika izango da protagonista ostiral honetan Kultur Leioansatzen du, eta bidaia gozo eta zoragarrian, ez ohiko estilo zerrenda luze batetik garamatza: punk-rocketik Frantziako kale-musikaraino, Camille edo Feisten zantzuekin, Yann Tiersenen estiloko soinuetatik pasatuz, vals zein haur-kanten distiretatik edo indie-rock estiloko gitarra erritmoetatik. Berak editatutako EP-ren ostean, “Poison: 5 rancid songs of love”, bere debuteko albuma da “God is my bike” (2011, Crammed/Karonte), Bartzelonan grabatua Marc Riboten kolaborazioarekin. Freskotasun eta heldutasun harrigarriak hain artista gaztean. Argitaratu zenetik, Maïak, guraso frantses eta alemaniar-japoniarrak dituena, AEBetan jaioa eta Bartzelona, Paris eta Nueva York artean bizi dena, estatuko hamaika jaialditan parte hartu du. Europa, AEB eta Japonetik ere ibili da. Argazkia: © Leioako Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun