Bizigarri zientifiko eta teknologiko berriaren bila egiten den zortzigarren edizio honetan, honako erakunde hauek parte hartuko dute: Vacunek, OWL, Bial-Aristegui, Ineustar (Zientziaren Industriaren Espainiako Elkartea), GAIA klusterra, EMS2, ZIV, Azti-Tecnalia, Tecnalia Korporazioa, Eustat, Geologoen Elkargo Ofiziala, Energiaren Euskal Erakundea, Saiatek, Maier, Vidrala, Graphenea Nanomaterials eta Euskaltel. Bilerak amaitzean, lunch bat egingo da Fakultateko Grande Salle aretoan.
Hitzaldietan landuko diren gaien artean daude, besteak beste, immunoterapia antialergikoa, industria enplegagarritasun aukerak eta zientziaren industria sektoreko enpresa ekimenak, hiri adimentsuen aukerak eta iraunkortasuna, grafenoaren etorkizuna, matematika estatistika ofizialean, geologiako karrerak eta lanbide irteerak, eta zentro teknologikoak.
EAEko 18 enpresa eta zentro tenkologikok EHUko Zientzia eta Teknologia Fakultatea bisitatuko dute bihar
Euskal Autonomia Erkidegoko (EAE) 18 enpresa eta zentro teknologikok parte hartuko dute asteazken honetan, otsailak 13, Euskal Herriko Unibertsitateko (EHU) Zientzia eta Teknologia Fakultatean Ikerketa Teknologikoko Enpresa eta Zentroak aurkezteko egingo diren zortzigarren jardunaldietan. EHUko ikastegi honetako azken mailak egiten ari diren ikasleak lan munduan sartzearen inguruan orientatzea da helburua. EHUk jakinarazi duenez, ekitaldiaren inaugurazioa goizeko 11:30ean izango da, Leioako campuseko Zientzia eta Teknologia Fakultateko Grande Salle aretoan. Esther Domínguez Zientzia eta Teknologia Fakultateko dekanoak egingo die ongietorria edizio honetara etorritakoei. Ondoren, 12:00etatik 14:00etara bitartean, enpresa eta zentro teknologikoak ikasleekin bilduko dira hainbat gelatan; beren enpresak aurkeztuko dizkiete, eta lanbide etorkizunaren inguruan orientatuko dituzte, ondorengo arloetan gehien eskatzen den profil zientifikoa zein den azalduz: Biozientziak, Fisika eta Ingeniaritza Elektronikoa, Matematika, Geologia eta Kimika, eta Ingeniaritza Kimikoa. Argazkian, Zientzia eta Teknologia Fakultatea.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun