Euri-jasa dela eta, goizeko 8az geroztik Getxoko Udaltzaingoaren hainbat patruila era iraunkorrean daude udalerriko hainbat tokitan: Salsidun, Larrañazubin, Boluen, Txikia plaza aldean, Faduran, Neguri Langilen eta Etxezurin, hain zuzen ere, 18:00etara arte euri jasengatik iraungo duen alerta laranja egoeragatik Gobela ibaiaren egoera zaintzeko. Tokiko poliziek gau osoan egin dute zaintza ibaiaren gorabeherak kontrolatzeko, udal iturriek gaineratu dutene. "10:00etan egindako azken ikuskatzean, Gobela ibaiaren maila altua zen, baina nahiko margena zegoen toki guztietan. Ibai emari handiena Larrañazubin zegoen, Neguri Langiletik gorantza txikiagoa zen bitartean", azaldu dute agintariek. Argazkian, udaltzain bat Gobela ibaiaren emaria zaintzen urtarril erdialdean Fadurako zubian.
Une honetan Udal Larrialdi Plana dago indarrean, 0 fasean, Krisi Mahaiarekin eta prebentzio neurri guztiekin alerta gorenean, bai ibaia bera, bai hondartzarako, porturako eta abarrerako sarbideak zaintzeko. Uribe Aldeko Gurutze Gorria ere alerta gorenean dago. Esan, iragarritako itsas arriskuagatik, Udaltzaingoa Arriluzeko pasealekua, Ereagarako sarbideak eta Portu Zaharretik Olarainoko bideak zaintzen ari dela. Larrialdiren bat izatekotan honako telefono zenbaki hauetara deitu behar da: 944 660 202 (Udaltzaingoa) eta 112 (SOS Deiak).
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun