Halaber, lehenagoko zebra-bidearen ordezkapena garrantzitsua ere bada, orain arte plazatik zuzenean, inolako oztoporik gabe, errepidera irtetea ahalbidetzen zuelako, eta, gerta zitekeen umeak errepidera korrika ateratzea. Orain, Udalak hesi bat jarri du espaloiaren eta errepidearen artean, plazarekin mugakide den espaloiaren beste tartean dagoen bezala, eta horrela arriskua desagerrarazi egin da. Plazaren eta espaloiaren artean dagoen hutsunea, berriz, zabalik mantendu da, kendu eta jartzeko moduko pibota batekin. Hori dela eta, errepidearen eta espaloiaren arteko hesi berria ate bezala erabiliko da, plazara zamalanetarako ibilgailuak, anbulantziak edo udaletxe aurrean egin daitezkeen ekintza edo jaiak eratzeko beharrezkoak izan daitezkeen ibilgailuak sartu ahal izateko. Horrela, bada, itxitura horrek oinezkoak babesten ditu, umeak batez ere, baina ez du baimena duten ibilgailuak noizean behin sartzea oztopatzen.
Beste alde batetik, Udala egoera honetaz baliatu da, hau da, lan hauen betearazpenaz, errepidea margotu eta leku batzuetan seinaleztapena indartzeko.
Leku antolatuagoa eta seguruagoa
Lan hauek gauzatzeak inguruko elementuak ordenatzea eta Elortzako bidegurutzearen inguruko arriskugarritasuna gutxitzea dakar. Orain dela gutxi, udaletxeko autobus geraleku berria egin zen, 50 metro ezkerrerago, ia eskolaren aurrean, bidegurutzetik pixka bat urruntzeko, eta, horrela, gidariek leku honetan kontrolatu beharreko beste elementu bat ez izateko.
Urdulizko Udalak zenbait jarduera egin berri ditu Elortzako bidegurutzearen inguruan, errepidean zein oinezkoentzat, eta udaletxea hartzen duen izen bereko plazan arriskugarritasuna murrizteko. Besteak beste, Aita Gotzon kalean goragune berria egin dute, udaletxearen aurrean, Elortza plazaren ondoko espaloitik beste alderantz. "Hori horrela, Udalak auzokoen aspaldiko eskari bati erantzun dio: inguru honetan autoen abiadura murriztea, alegia. Izan ere, inguru horretan sarri egon ohi dira umeak, Elortza plazan zabuak eta aisialdirako leku zabala baitaude", azaldu dute tokiko arduradunek. Goragune honek zebra-bide jasoa du. Aurretik zegoen zebra-bidea ez zen jasoa eta 10 bat metrora zegoen, bidegurutzetik gertuago. Horrenbestez, goragune berria Elortzako bidegurutzetik urrundu dute. Honela, gidariek galgatzeko tarte handiagoa izango dute Aita Gotzon eta Elortza kaleetako errepideek bat egiten duten lekutik urrundu edo hurbiltzen direnean. Neurri honen bitartez, beraz, trafikoaren arriskugarritasuna murriztuko da. Gainera, igarobide berria plazaren eta errepidearen aurretik dagoen espaloiaren arteko banaketa-eremua duen inguruan jarri da, plaza errepidetik babestuz. Argazkia: © Urdulizko Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun