Jatorrizko herriek berriz, ez al dute euren bizkarrean milaka urtetako borroka esperientziaren bide xidorra? Mendebaldean hainbeste urtetan sinestarazi diguten ongi izatearen pentsaera kontsumista baino, nor berarekin, inguruarekin edo ingurukoekin ongi egotearen kontzeptua guztiz garatua dute eta egunerokoan gauzatua. Venezuela, Argentina, Uruguay eta Boliviaz gain, Saharako lurralde okupatuetan edo Palestinan, gurean bezala, herri okupatuan bizi beharraren gora beherak eta erresistentziaren inguruko hartu emanak ezin uka irakaspen bikainak direnik! Badakizue beraz, animatu eta eman izena askapenak aurten antolaturiko brigadetan.
Askapena
Gure herriaren ibilbide eta ibilerak geureak dira noski, eta hala izaten jarrai dezala luzaroan! Baina munduaren zilbor sentitzeak, ditugun arazoak edo bertuteak geuk bakarrik ditugula pentsatzeak ez digu mesederik egiten. Besteak beste, altxor izugarria baztertzen dugulako, hain zuzen, besteengandik ikas dezakeguna eta haiek guregandik jaso dezaketena. Brigadak honetarako balio digute, gainerako herri borrokalarien hartu emanetik eta joan etorriko elkartasunetik, esperientzia konkretuen kontrabandorako alegia. Europa zahar deiturikoan azken urteetan esaterako, borroka adoretsuak izan ditugu, mobilizazio eta grebak, kaleratzeak eta protestak... Agian baina, badira aurrera egiten lagun dezaketen adibide eta borroka esperientzi zenbait, batik bat, protesta hutsera mugatzen ez diren haiek; Argentinan esaterako, gurearen antzeko krisi egoeran, lantegiak langileek eurak bereganatzen hasi zirenekoak, prozesu iraultzaile baten baitan Venezuelako lantegi sozialisten adibideak, behetik gorako ereduak, auzoetako kontzeju komunalak... Argazkian, Askapenak egindako prentsaurrekoa, artxiboko irudian / © Askapena.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun