Afarirako txartelak eskuratzeko epea dagoeneko pasa da. Halere, berandu ibili arren saiatu nahi denak albegetxo[abildua]gmail.com posta elektronikora idaztea edo 605 704 385 telefonora hots egitea baino ez du egin behar. Hamabost euro kostatuko du afariak, hamar umeen kasuan.
Aurreko edizioak
Jon Sarasua, Jesus Mari Irazu, Unai Iturriaga, Igor Elortza, Estitxu Arozena pasatu ziren lehenengo urteetan Abra jaialdiaren oholtzatik. Hasiera batean udaberriko bertso-jaialdia izan bazen ere, 2002an sariketa bihurtu zuen ALBEk. Geroztik, Nerea Elustondo, Jon Martin, Xabier Paya, Ohiana Bartra, Maddalen Arzallus, Jone Uria, Asier Azpiroz eta Endika Igartzabalek bete dute Abra sariko txapeldunen zerrenda. Euskal Herri osoko bertsolari gazteekin gauzatzen ohi dute kartela, 19 eta 22 urte bitartekoak izaten direla beti. Horrezkero, 65etik gora bertsolari gazte pasatu dira Abra Sariaren taulatik. 2011ko berrikuntza, berriz, afari formatua izan zen. Aurten ere, sariketa afaldu ondoren jokatuko da.
Euskal Herriko bertsolari gazteentzako Abra Sariaren XII. edizioa gaur iluntzean jokatuko da Algortan. Algortako Bertsolari Eskolako (ALBE) antolatzaileek zabaldu dutenez, urteroko ekimen honen bidez bertso-urteari hasiera emango diote. Hitzordua Algortako Bidebarri kaleko Abian kultur elkartean jarri dute, gaueko 9etan. Izan ere, 2011n abiatutako ohitura berriari eutsiz, aurten ere freskuran irabaziko du sariketa, bertso-afari formatuan abestuko baitute aurtengo bertsolariek. Etxeko ordezkaria Peio Arondo algortarra izango da, Endika Igartzabal bertsolari gabiriarrak iaz irabazitako txapela eskualdera berriro ekartzeko ardura bizkarrean hartu duena. Gorka Maiz gabiariarrak, berriz, herrira bigarren txapela eramatea izango du xede. Haiekin batera, Nerea Ibarzabal markindarra, Maddi Sarasua itsasuarra, Paula Amilburu aramaioarra eta Iker Gorosterrazu iturendarra arituko dira. ALBEk zehaztu duenez, "aurretik, afaria eta ondoren, saria" izango da. Sei bertsolarien arteko nor baino nor Andoni Egaña, Uxue Alberdi, Sustrai Colina eta Xabi Paya epaileek aztertuko dute, txapela zeinen burura joango den erabakiko dutela. Gai-jartzailea Beñat Vidal Gurrutxaga leioaztarra izango da. Argazkian, Peio Arondo.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun