Folkincats folk talde katalanak inauguratuko du gaur gauean Kultur Leioako Musika Gertu zikloa. Bartzelonako laukoteak 22:00etan abiatuko du kontzertua Anbigun, sarrerak 10 eurotan eskuratu daitezkeela. Folkincatsek sonoritatea, estiloa eta errepertorioa ezin hobeto uztartzen ditu, lau tresna akustikoren bitartez (saxoa, bibolina, gitarra eta kontrabaxua). Lan aberats, delikatua eta musikalki anitza darabil. Bere izpiritua sormen eta interpretazio espazio propioa sortzea da, eta musika tradizional eta herrikoitik abiatuz, historian zehar, baita errepertorio horrekin batera bizi izan diren musika estiloen edozein baliabide barneratzea ere. Emaitza aipatutako sonoritatea, estiloa eta errepertorioa ezin hobeto uztartzea da. Lau tresna akustikoren sonoritatea; jazz manouchetik sortzen den estiloa, beste elementu asko barne hartzen dituena, moldaketa klasikoetatik inprobisatutako pasarteetara; eta abesti zein dantza popular eta tradizionalen erritmoa, tonalitatea eta melodia libre moldatzean oinarritutako errepertorioa. Argazkian, musikari katalanak Greziako Syros irlako Apolo antzokian orain bost urte emandako kontzertuan / © Laura Ruiz - Folkincats.
Musika Gertu zikloa BluesJazz zirkuituaren lekukoa hartuko du Leioan, baina baita ere Zornotzan eta Basaurin ere. Izan ere, aurrekoa bezala hiru udalerri horietan garatuko da ziklo berria. Eszenatokiak Leioako Kultur Leioa, Basauriko Social Antzokia eta Zornotzako Zelaieta zentroa izango dira. Proposamen artistikoak lagunarteko giroan hurbiltzea da Musika Gerturen helburua.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun