Algortako Jai Batzordeak antolatutako bigarren Inauterien barruan, joan den ostiralean egin zen musika taldeen lehiaketaren finala. Horrenbestez, lau taldek parte hartu zuten Telletxe plazan egindako kontzertuak. Eta epaimahaiak horrela erabakita, hurrenez hurren, Erasoka, Hamaiketan eta Ertz herriko bandek eskuratu zuten lehenengo, bigarren eta hirugarren saria. Irabazleek, hau da, aipatu lehen hiru taldeek, uztailaren 27tik 31ra ospatuko diren Algortako San Inazio jaietan joko dute. Larunbatean izandako mozorro lehiaketari dagokionez, Soleil, Emoiztasu Musutxus eta Getxoko Japoak suertatu ziren irabazle, lehenengotik hirugarrenera. Horrenbestez, hurrenez hurren, 400, 250 eta 200 euro irabazi dituzte koadrila horiek. Orotara, 17 lagun taldek parte hartu zuten txapelketan. Azkenik, iazko Inauterietan apurtutako txalupen konponketa ordaintzeko Algortako Jai Batzordeak antolatutako zozketaren irabazlearen berri ere eman zen larunbat gaueko dantzaldian: 1844. zenbakidun txartelak eskuratu du Getxo Rugby tabernan bi pertsonentzako afaria. Argazkian, mozorro txapelketako koadrila irabazlea. Koadrilen argazki guztiak / cc-by Algortako Jai Batzordea.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun