Gorlizko foru etxaldeak Bizkaiko Elikagaien Bankuari ehunaka okel kilo eman dio
Gorlizko foru etxaldeak abelgorri pirenaikoen ehunaka haragi kilo eman zion iaz Bizkaiko Elikagaien Bankuari. Bizkaiko Foru Aldundiko Nekazaritza Sailak zabaldu duenez, Gorliz ez ezik Sollube eta Gangurengo foru etxaldeek ere abelgorri pirenaiko eta terreña eta zaldien okelaren dohaintza egin zioten irabazteko asmorik gabeko ongizate erakunde horri. Guztira, terreña eta pirinioetako arrazetako 36 abelburu, 8.600 bat kilo kanalean, eta baita 7 zaldi ere, gutxi gorabehera 500 kiloko kanaleko pisuarekin. Hortaz, 9.100 bat kilo haragi bideratu zuten behartsuenek eskura dezaten. Foru zentro horietan egiten diren jardueren emaitzako generoa da; galkorra izan arren kontsumitzeko baldintzarik onenetan ematen da. Gorlizko foru abeletxean pottoka bertoko zaldia eta abelgorriak sustatzen dira. Argazkian, Bizkaiko Elikagaien Bankuko instalazioak 2011n kiskalita gelditu ondoren pasa den uztailaren 18an berrinauguratu zituzten / © Bizkaiko Foru Aldundia.
Abelburuak Nekazaritza Sailaren pentzudan txikituta eta kontsumitzeko prest eman ziren; horien kostua, gutxi gorabehera, 25.000 euro da. Abereok, zekorrak edo hazia lagapenean emanda edo enkanteak eginda abeltzainen eskuetara iristen diren hautespen eta hobekuntza genetikoko programetakoak izaten dira. Arrazoiren batengatik hil egin behar diren animaliak dira Bizkaiko Elikagaien Bankuari dohaintzan ematen zaizkionak. Era estentsiboan egiten den hazkuntzak eta, halaber, pirinioetako eta terreña arrazetakoak izateak, bermatu egiten du haragi horren kalitate altua.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun