Bestalde, PPk Bizkaiko Foru Aldundiari eskatu dio Metro Bilbaok "baztertutako zerbitzuak berehala jarri ditzala berriro martxan". Izan ere, talde popularraren arabera, murrizketa horiek "pilaketak sortzen dituzte nasetan eta arriskuan jartzen dute erabiltzaileen segurtasuna". Halaber, Bizkaiko Garraio Partzuergoak (BGP) Metro Bilbaoren 2013rako tarifak ezartzeko berehala hartutako erabakiaren aurrean, Bilduk arauz besteko proposamena aurkeztu du, Bizkaiko Batzar Nagusiek erakunde horretako arduradun berriei tarifak aurten "izoztuta" mantentzea eskatzeko.
Edonola ere, Herri Lan eta Garraioetako Batzordea Bilduk Itziar Garamendiri egingo dion galderaren erantzunarekin hasiko da, 9:30ean. Hain zuzen ere, Bilduk Herri Lan eta Garraio Sailaren bi milioi euroko kreditu transferentzia onartzeko 2011ko zemendiaren 29an hartutako akordio-proposamenari buruz egingo dio galderea; kreditu hori "751.00/510.301/06.03 jatorrizko aurrekontu-sailetik, 2007/0160 CTB aurrekontu proiektutik, 741.02/510.301/06.03 aurrekontu-sailera, 2007/0021 aurrekontu proiektura" transferitu zen.
Metro Bilbaoko maiztasunak eta zerbitzu bereziak berreskuratzea eskatuko dute Bilduk eta PPk Bizkaiko Batzar Nagusietan
Bizkaiko Batzar Nagusietako Herri Lan eta Garraioetako Batzordea bilduko da ostiral honetan, otsailaren 22an, Bilbon, eta Metro Bilbaori buruzko "saio ia monografikoa" egingo du. Bilduk eta PPk arauz besteko proposamenak aurkeztu dituzte, urtarrilean garraiobide horren Zuzendaritza ohiak kendutako aurreko maiztasunak eta zerbitzu bereziak berreskuratzea eskatzeko, Europa Press albiste agentziak zabaldu duenez. Saio berean, Itziar Garamendi Herri Lan eta Garraio Saileko foru diputaduak Metro Bilbaoko zerbitzuak egunero "50 konboi gitxiago" izaterainoko "murrizketeari" buruzko galderei erantzun beharko die, PPk aurkeztutako agerraldi-idazkian agertzen den moduan. Ekimenetako baten, Bilduk zera eskatu dio Metro Bilbaori: 2012ko urtarrilaren 9an zegoen zerbitzua berreskuratzea; "diligentzia eta aurreikuspen handiagoarekin" aritzea ahalegin bereziak eskatzen dituzten gertaeren aurrean; eta "erabiltzaileari eskaintzen zaion zerbitzua murrizten ez duten bestelako aurrezpen neurriak" aztertzea, esaterako, goi-zuzendaritzaren soldatak edota kaleratzeengatiko neurri gabeko kalte-ordainak murriztea. Argazkian, bidaiariak metro geltoki batean, artxiboko irudian.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun