Itziar Garamendi Herri Lan eta Garraioen foru diputatuak ostiralean adierazi zuen Metro Bilbaoren zuzendaritza berria "aztertzen ari dela" aurreko kudeatzaileek ezarritako ordu-maiztasunen murrizketa. Helburua da erabaki hori hartzeko oinarri izan ziren premisak zerbitzuaren errealitatearekin bat datozen egiaztatzea, gaineratu zuenez. Ildo horretan, foru diputatuak azaldu zuen ezen, Metro Bilbaoren zuzendaritza berriak emandako datuen arabera, aurreko zuzendaritzak argudiatu zuela diru asko aurreztuko zela maiztasunak murriztu eta eguneko 45 bat zerbitzu kentzeko erabakiari esker: "Izan ere, aurreko kudeatzaileek egindako zenbatespenaren arabera, 748.000 euro aurreztuko ziren urteko: gidatze-ordu gutxiago direla eta, 429.000 euro, eta energia kontsumoa eta mantentzea direla eta, 318.000 euro". Besteak beste, Metro Bilbaoko maiztasunak eta zerbitzu bereziak berreskuratzea eskatu dute Bilduk eta PPk Bizkaiko Batzar Nagusietan. Argazkian, bidaiariak metro geltoki batean, artxiboko irudian.
Halaber, Herri Lan eta Garraioen diputatuaren esanetan, "une egokia da oraingo zuzendaritzak argudio eta maiztasun-murrizketa horiek aztertzeko. Izan ere, dagoeneko Metro Bilbao hasi da 2014ko zerbitzurako proposamena prestatzen, zeina aurtengo martxoan amaituta egon behar baita, eta egiten ari den azterlanaren ondoriozko datuek aukera emango dute kalitateko zerbitzu bat –herritarren benetako beharrizanen araberakoa– emateko erabaki zuzen eta egokiak hartzeko".
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun