Otsailaren 19an egindako zuhaitz sarraskia argazkitan
Gobela ibaian uholde arriskua gutxitzeko, URA Uraren Euskal Agentziak Itzubaltzeta / Romoko Errekagane kalean egingo dituen lan berriak direla eta, 85 zuhaitz kendu egingo ditu Getxoko Udalak, proiektua gauzatuko den guneetan. "Halere, URA egiten ari den jarduerak, urbanizatze fasean, tamaina handiko 40 zuhaitz berri landatzea aurreikusten du", tokiko iturriek adierazi dutenez. Gobela ibaiaren egokitzapen hidraulikorako eta ingurumena lehengoratzeko proiektuaren hirugarren faseak Leioako Etorbidetik Cristobal Valdés hustubidera arteko tartea barne hartzen du. Proiektuak, hain zuzen, bi etapa ditu, Avanzada Etorbideak bereizten dituenak. Lehenengoan, dagoeneko hasia den horretan, Avanzada eta Cristobal Valdés gainezkabide arteko zatian egingo dituzte lanak. Fase berri osoaren iraupena uste da 30 hilabetekoa izango dela. Lehenengo zeregina lanek ukitutako guneetatik zuhaitzak kentzea izango da. Jarduera hori joan den asteartean abiatu zuten. "Ez dira espezie bereziko zuhaitzak, udalerriko hainbat lekutan topa daitezkeen horietakoak baizik (makalak, bananondoak, sasiakaziak, sahatsak eta ezkiak, nagusiki)", aipatu dute udal iturriek. Lorezaintzako zerbitzukoek ale guztiak berriz aztertu dituzte, zeintzuk birlandatu ahal dituzten jakiteko. Aukera hori, baina, bi bananondo alerekin bete daitekeela, bideragarri izan daitekeela, erabaki dute. Argazkian, otsailaren 19an Errekaganen txikitutako zuhaitzetako bat.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun