Larunbat honetarako, martxoak 2, Lurralde Zati Planaren (LZP) aurkako asanbladak zuhaitz landaketa antolatu du Getxoko Azkorri inguruan. Besteak beste, urritzak, arteak eta haritzak landatuko dituzte. "Lurraren erabilera erabat ezberdina planteatzen dugu, horregatik inportantea iruditzen zaigu pinuz bete dituzten eta espekulaziorako bideratuak izan diren espazioak berreskuratzea. Eta zergatik ez, harremanetarako beste modu bat ere izan daitekeela uste dugu", aipatu eragileko kideek adierazi dutenez. Hitzordua goizeko 10etan jarri dute Bidezabalgo metro geltokian, larunbat honetan, esan bezala. "Materiala (palak, atxurra) baduzue ekartzea eskertuko genuke, eta arbolen bat baduzue ere bai", zehaztu dutenez. Argazkian, 2010eko abenduaren 18an, 150 bat herritarrek egin zuten Lurralde Zati Planaren (LZP) kontrako martxa Getxoko Bentatik Azkorrira.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun