Biolentzako musika garaikidea interpretatzen duen talde aitzindaritzat hartuta, hogeita hamar konposizio baino gehiago estreinatu ditu. Disko ekoizpen zabala du boskoteak eta horretan, nabarmentzekoak dira William Lawes, Henry Purcell, William Byrd, Matthew Locke, John Dowland eta Orlando Gibbons-en obren grabazioak. Getxon eskainiko duten saioan Bachen "Goldberg bariazioak" interpretatuko dituzte.
Beste bi emanaldi gehiago
Bigarren saioan, martxoaren 9an, Anda-Louise Bogza soprano errumaniarraren kontzertuaz gozatu ahal izango dute musikazaleek. Abeslariak 1994. urtean irabazi zuen Vienako Nazioarteko Abesti Lehiaketaren lehenengo saria. Sarritan jardun da Bogza Europa osoko aretoetan eta bere maisutasuna erakutsi du hainbat roletan: Aída, Tosca, Katia Kabanova, Doña Ana... Getxon Adam Skoumalek lagunduta ariko da, Txekiar Errepublikako egungo piano-jotzaile eta musikagile ospetsuenetakoa, hain zuzen ere.
Amaiera bikaina emango die Kontzertuei Miguel Ituarte piano-jotzaile getxotarrak martxoaren 16an. Bere errepertorio zabalean hainbat garaitako lanak bildu ditu, Bachen hasita eta egungo musikaraino. Europan zein Hegoamerikan eskaini ditu emanaldiak eta zenbait ganbera taldetan jardun da. Egun, Cecilia Lavilla Berganza sopranoarekin aritzen da elkarlanean sarritan.
Larunbat honetan, martxoak 2, hasiko dira Getxoko 28. Kontzertu Klasikoak, Fretwork biola-boskote britainiarraren eskutik; zango-biola musikan espezializatutako taldea, hain zuzen ere. Iaz bezala, saioak hiru larunbatetan banatuko dira eta hurrengo saioak hilaren 9an eta 16an izango dira. Azken horietan, hurrenez hurren, Anda-Louise Bogza soprano errumaniarra ariko da, Adam Skoumal piano-jotzaileak lagunduta, eta, bigarrenean, Miguel Ituarte pianista getxotarra. Kontzertu guztiak Areetako Andrés Isasi Musika Eskolan izango dira, 19:30ean eta sarrerak dagoeneko salgai daude, 8 eurotan. Hala ere, hiru saioetarako bonuak ere eros daitezke 20 eurotan. 1986an Londresen aurkeztu zenetik, Fretwork biola taldeak mundu osoan zehar eskaini ditu kontzertuak, zango-biolentzako musika ingeles gorenaren oso interpretazio bereziek ezaugarritu dutelaa. Errepertorio ugari miatu dituzte, bai beren kontzertuetan bai grabaketetan eta edizio diskografikoetan ere eta Taverner-etik Purcell-era bitarteko programak interpretatu dituzte. Argazkian, 2011ko azaroaren 17an, 300 lagun baino gehiago bildu ziren Areetako Andres Isasi musika eskolan, zentroaren 25. urteurrena ospatzeko ekitaldi nagusian / © Getxoko Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun